әрдоған: упуқта бүйүк вә қудрәтлик түркийә мәнзириси көрүнди

җумһур рәис әрдоған пирезидентлиқ мәһкимисидә өткүзүлгән «ишчилар билән учришиш» пирограммисиға қатнишип муһим сөз қилди.

1706131
әрдоған: упуқта бүйүк вә қудрәтлик түркийә мәнзириси көрүнди

түркийә авази радийоси хәвири: җумһур рәис рәҗәп таййип әрдоған йеқинқи мәзгилдики санаәт ишләпчиқириш, експорт, ишқа орунлишиш вә иқтисадниң тез сүрәттә ешишиға әгишип, түркийәниң йуқумдин илгирики мәзгилдин һалқип кәткәнликини байан қилип, «упуқта бүйүк вә қудрәтлк түркийә мәнзириси көрүнди» деди.

җумһур рәис әрдоған пирезидентлиқ мәһкимисидә өткүзүлгән «ишчилар билән учришиш» пирограммисиға қатнашти вә у йәрдики сөзидә, өзлириниң йеқинқи 19 йилдики ишқа орунлаштурулғанлар санини 9 милйон 500 миң адәм көпәйткәнликлирини, ишчи - хизмәтчиләрниң кирим сәвийәсини нәччә һәссә ашурғанлиқлирини тәкитләп: «миллий киримимиз түрк лираси нуқтисидин 11 һәссә ашти, әң төвән иш һәққи 16 һәссигә йеқин ашти. биз дөлитимизгә қилған хизмәт вә мулазимәтлиримиз арқилиқ параванлиқ сәвийәсини ашурушқа тириштуқ» деди.

әрдоған: «түркийә тәрәққий қилғансери вә бейиғансери һәр бир пуқраниң параванлиқ дәриҗиси өсиду. биз <биз дөлитимизни дунйадики 10 чоң иқтисадий гәвдиниң биригә айландуримиз> дегинимиздә, биз буни барлиқ кишиләр үчүн дәймиз. һечким бизниң әвладлиримизға һәммә арзу қилидиған бир дөләт қалдуруп кетидиғанлиқимиздин гуманланмаслиқи керәк» дегәнләрни сөзлиригә илавә қилди.



مۇناسىۋەتلىك خەۋەرلەر