türkiye taliban bilen qedemmu qedem alaqe ornitidu

türkiye awazi radiyosi: b d t xewpsizlik kéngishining afghanistan témiliq mexsus yighinigha türkiyemu teklip qilindi؛ türkiyening b d t da turushluq daimiy wekili feridun sinirlioghlu yighindiki sözi jeryanida, afghanistanning muhim bir achalda turuwatqanliqini otturigha qoydi.

afghanistanning uzun muddetlik muqimliqigha kapaletlik qilish üchün sighdurushchan, shundaqla wekillik qilish dairisi keng bir hökümetning qurulushi kéreklikini tekitligen sinirlioghlu: «biz taliban bilen qedemmu qedem alaqe ornitishning toghra qedem ikenlikige ishinimiz. ular bilen alaqiliship turup, bergen wedisige emel qilghan yaki qilmighanliqini bilishimiz kérek. (taliban) sözlirini emeliyleshtürüsh arqiliq ishenchimizge érishishi lazim» dédi.

talibanning sözlirining emes, emeliy tashlighan qedemlirining nezerge élinidighanliqini eskertken sinirlioghlu, afghanistan xelqining her qandaq chaghdikidinmu küchlük shekilde qollash we hemkarliqqa éhtiyajliq ikenlikige isharet qilip ötti.

xelqara jemiyetning muhim ishlirining birining, asasiy xizmetlerning dawamlishishigha kapaletlik qilish üchün kabuldiki ayrodurumning toxtawisiz mulazimet qilishini küchke ige qilish ikenlikini bildürgen sinirlioghlu, yéqinqi bir qanche heptidin buyan türkiyening qatar bilen birlikte bu yönilishte tirishchanlq körsitiwatqanliqini éytti.

sinirlioghlu, yighin ishtirakchilirining diqqitini afghanistanningkünséri nacharlishiwatqan insanperwerlik weziyitige burap,xelqara jemiyetni afghanistan xelqini qollashni kücheytishke chaqirghan halda mundaq dédi: «eger derhal heriket qollanmisaq, rayon we uningdin halqighan téximuchong insanperwerlik pajieliri we bixeterlik mesililirigeduch kélimiz.»

sinirlioghlu: «afghanistandiki waqitliq hökümet, kishilik hoquqni depsende qilghan, bolupmu ayallar we qizlarning hoquqini depsende qilghan teqdirde, buning jawabkarliqining sürüshte qilinidighanliqini nahayiti obdan bilidu. biz bu arqa körünüshni yaqlighan halda, özgirishlerge yéqindin diqqet qilishimiz kérek» dégenlerni qeyt qildi.

amérikaning b d t diki daimiy wekili jéfréy déoréntismu bu heqte söz qilip: «talibanlar xelqarada qanuniyliqni we qollashni qolgha keltürüshning yollirini izdimekte. bizning sözimiz éniq؛ qanuniyliqqa we qollashqa érishishi kérek» dédi.

xitayning b d t da turushluq daimiy turushluq muawin wekili géng shuang, afghanistanning tonglitilghan mal-mülüklirining qoyup bérilishi kéreklikini bayan qilip mundaq dédi: «bu mülükler afghanistangha tewe, afghanistan üchün ishlitilishi, bésim wasitisi qilinmasliqi kérek».

rusiyemu afghanistanning tonglitilghan mal-mülüklirini qoyup bérish chaqiriqini qollidi.

afghanistanning b d t da turushluq daimiy wekili ghulam isakzay bolsa, b d t xewpsizlik kéngishini sighdurushchan bolmighan bir hökümetni étirap qilmasliqqa chaqirdi.