ikkinchi qétimliq misir - türkiye söhbiti paytext enqerede bashlandi
2013 – yili misirda yüz bergen herbiy siyasiy özgirishtin kéyin munasiwiti yérikliship ketken enqere bilen qahire otturisidiki munasiwetler qaytidin bashlandi.
türkiye awazi radiyosi xewiri: may éyida türkiye jumhuriyiti muawin tashqi ishlar ministiri sedat ünal bashchiliqidiki türk heyitining misirning paytexti qahirege qaratqan ikki künlük ziyaritidin kéyin, bügün misir heyiti paytext enqerege keldi.
misir muawin tashqi ishlar ministiri hemdi sened loza riyasetchilikidiki heyet bilen türkiye terep otturisidiki söhbetning ikkinchi basquchi bashlandi.
uchrishishlardin kéyinki qedem, özara bash elchilerni teyinlesh bolidu. munasiwetler normallashsa, ikki dölet otturisida bir déngiz salahiyet kélishimining imzalinishimu küntertipke kélidu.
türkiye bilen misir otturisidiki diplomatik munasiwetler 2013 – yilidin buyan özara diplomatik wekil turghuzush derijiside dawamlashturulup kelmekte.
bu musapide ikki döletning tashqi ishlar ministirliri arisida her xil sewebler tüpeyli qisqa uchrishishlar ötküzüldi. msiirning enqerediki elchixanisi bilen istanbuldiki konsulxanisi we türkiyening qahirediki elchixanisi bilen iskenderiyyediki konsulxanisi xizmetlirini dawamlashturmaqta.
