erdoghan kabulda yüz bergen térrorluq hujumini eyiblidi

türkiye jumhur reisi rejep tayyip erdoghan: «tünügün (2021-yili 26-awghust) kabulda yüz bergen térrorluq hujumini pütkül xelq boyiche eyibleymiz» dédi.

1698292
erdoghan kabulda yüz bergen térrorluq hujumini eyiblidi

türkiye awazi radiyosi xewiri: jumhur reis rejep tayyip erdoghan bosniye-gértségowina ziyaritidin burun istanbul atatürk ayrodurumida axbarat élan qilish yighini ötküzdi.

u kabuldiki térrorluq hujumi toghrisida toxtilip: «tünügün kabulda yüz bergen térrorluq hujumini qattiq eyibleymiz. térrorluq teshkilatining bundaq waqitta hujum peyda qilishi, rayonda we dunyada qandaq xeterlik teshkilat ikenlikini körsitip béridu» dédi.

u afghanistanda wezipe ötewatqan türkiye armiye qisimlirini tarqaqlashturush xizmetlirining dawamlishiwatqanliqini eskertip: «tarqaqlashturushni eng qisqa waqit ichide we eng téz sürette axirlashturimiz» dédi.

u taliban bilen körüshüsh heqqide: «bizning kim bilen qeyerde, qachan we qandaq körüshidighanliqimiz toghrisida birsidin ruxset élishqa hajitimiz yoq» dédi.

u sözini mundaq dawamlashturdi:

«talibanning bizge kabul ayrodurumini bashqurush toghrisida teklipliri bar. emma, bizning hazirche bu toghrida chiqarghan qararimiz yoq.»

u gérmaniyening türkiye bilen birlikte tirishchanliq körsitish qararining kéchikken qarar ikenlikini eskertip: «hemme döletler afghanistandin chiqip ketken bolsa, biz chiqip ketmiduq» dédi.

u ichki ishlar ministirliqining tizimlikide bar bolghan yaki bolmighan afghanistanliq köchmenler sanining 300 ming ikenlikini bildürüp: «biz köch mesilisige nahayiti sezgür qaraymiz. iran chégrasidin iraq we süriye chégrasighiche bolghan jaylargha tam séliwatimiz» dédi.



مۇناسىۋەتلىك خەۋەرلەر