erdoghan bosniye-gértségowina we qarataghni ziyaret qilidu

türkiye awazi radiyosi xewiri: jumhur reislik uchur-alaqe idarisi rejep tayyip erdoghanning bügün bosniye-gértségowina we qarataghda ziyarette bolidighanliqi toghrisida bayanat élan qildi.

bayanatta, rejep tayyip erdoghanning bosniye-gértségowina pirézidéntliq mehkimisining resmiy teklipige binaen bosniye-gértségowinagha yétip baridighanliqi qeyt qilindi.

bayanatta, rejep tayyip erdoghanning bosniye-gértségowina pirézidéntliq kéngishining bashliqi zélko komshich, kéngesh ezaliridin shefiq jaferowich we milorad dodik bilen ötküzidighan uchrishishida, ikki dölet otturisidiki munasiwetlerning tepsiliy közdin kechürülidighanliqi, özara mewjut hemkarliqlarni chongqurlashturush üchün bésilidighan qedemlerning muzakire qilinidighanliqi bildürüldi.

jumhur reis rejep tayyip erdoghan bosniye-gértségowina ziyaritini axirlashturghandin kéyin, ete (2021-yili 28-awghust) qara taghda ziyarette bolidu.

rejep tayyip erdoghanning qarataghdiki ziyaritide ikki dölet munasiwetliri we özara hemkarliqlarni téximu chongqurlashturush imkaniyetliri muzakire qilinidu.

her ikki ziyarette, balqan rayonining nöwettiki weziyiti, bashqa rayonluq we xelqaraliq mesililer toghrisida özara pikir almashturulidu.