y t b qanun kesipliride oquwatqan oqughuchilargha mukapat tarqitidu
chet eldiki türkler we qérindash xelqler idarisi-y t b (YTB) chet ellerde qanun kesipliride oquydighan oqughuchilar üchün emelge ashurghan «qanun saheside mutexessislik oqush mukapati» gha sunulghan iltimaslarni qobul qilishqa bashlidi.
türkiye awazi radiyosi xewiri: y t b chet ellerde qanun kesipliride oquydighan oqughuchilargha oqush mukapati bérilidighanliqi toghrisida bayanat élan qildi.
bayanatqa asaslanghanda, chet ellerde qanun kesipliride oquydighan oqughuchilarni qollash, yéngi ewlad qanunshunaslarning türkiye jemiyitining qanuni mesililirige bolghan tonushini kücheytish we mutexessislishini kapaletke ige qilish meqsitide oqush mukapati tarqitidu.
oqush mukapati pirogrammisigha qoshulghan toluq kurs, magéstirliq we doktorluqta oquwatqan oqughuchilarning, oquwatqan döletning türkiye jemiyitining xelqaraliq qanun, yawropa ittipaqi qanuni, kishilik hoquq qanuni, chet ellikler qanuni we memuriy qanun sahesidiki heq-hoquqlirigha munasiwetlik tetqiqatlar, doklatlar, maqaliler, qanun jehettin melumat bérish qatarliq ilmiy tetqiqatlar élip bérishi pilan qilinmaqta.
oqush mukapati pirogrammisigha, ottura mektepni chet elde oqughan, 1991-yili yanwar we kéyin tughulghanlar qobul qilinidu. pirogrammigha, gérmaniye, awstiriye, bélgiye, firansiye, gollandiye, amérika, awstiraliye, daniye, finlandiye, engliye, shiwéytsariye, italiye, kanada we norwégiyede qanun fakultétlirida toluq kursning 3-yilliq sinipida yaki uningdin yuqiri siniplirida oquwatqan oqughuchilar bilen magéstirliq we doktorluqta oquwatqanlar iltimas qilalaydu.
iltimaslar 2021-yili 31-öktebirgiche «basvuru.ytb.gov.tr» adrési arqiliq qobul qilinidu. pirogramma telepliri we tepsiliy melumatlarni «www.ytb.gov.tr/hukukbursu» adrésidin körgili bolidu.
