erdoghan: 214 ot apitining 202 i tizginlendi
jumhur reis rejep tayyip erdoghan 46 wilayette meydangha kelgen 214 ot apitining 202 sining tizginlengenlikini éytti.
türkiye awazi radiyosi xewiri: jumhur reis erdoghan, ammiwi ortaqlishish tor béti Twitter sehipiside élan qilghan bayanatida, türkiyening herqaysi jaylirida meydangha kelgen dala ot apetliri heqqide melumat bérip mundaq dédi: «dala ot apetlirini öchürüsh paaliyetlirimizni, quruqluq hem hawadin mudaxile qilish wasitilirimizning sanini izchil türde köpeytish arqiliq qoyuq bir shekilde dawamlashturuwatimiz, dölitimizni hergiz chölge tapshurmaymiz, qurghaq halette tashlap qoymaymiz.»
dala ot apetlirini öchüsh paaliyetlirige 18 ot öchürüsh ayropilani, 850 su baki we su tankéri, 57 tik uchar, 150 qurulush mashinisi, 9 uchquchisiz hawa apparati we 5 ming 250 xadimning qatnishiwatqanliqini eskertken jumhur reis erdoghan, xususiy saheler we ammiwi teshkilatlarning küch chiqirishi netijiside chet eldin keltürülgen 4 ayropilan bilen bir tik ucharningmu dala ot apetlirini öchürüsh paaliyetlirige qatnishiwatqanliqini tekitlidi.
