türkiye amérikagha naraziliq bildürdi

türkiye amérika qoshma ishtatlirining köchmenlerge munasiwetlik pirogrammisigha naraziliq bildürdi.

1685315
türkiye amérikagha naraziliq bildürdi

türkiye awazi radiyosi xewiri: türkiye, amérika qoshma ishtatliri élan qilghan «amérika qoshma ishtatliri üchün xizmet qiliwatqan afghanlar we ularning aile tawabiatlirigha munasiwetlik köchmenlerni qobul qilish pirogrammisi» ni qobul qilmaydighanliqini uqturdi.

türkiye tashqi ishlar ministirliqi bayanatchisi tanju bilgich,  amérika qoshma ishtatliri uqturghan, «amérika qoshma ishtatliri üchün xizmet qiliwatqan afghanlar we ularning aile tawabiatlirigha munasiwetlik köchmenlerni qobul qilish pirogrammisi» heqqide élan qilghan bayanatida, mundaq dédi: «türkiye bolush süpitimiz bilen amérika qoshma ishtatlirining mesuliyetsizlarche we dölitimiz bilen kéngeshmestin chiqarghan qararini qobul qilmaymiz, eger amérika qoshma ishtatliri bu kishilerni dölitige qobul qilmaqchi bolsa, undaqta ularni ayropilanlar bilen biwasite dölitige yötkep ketse bolidu.»

bu heqtiki soallargha yazma jawab bergen bilgich, amérika qoshma ishtatliri tashqi ishlar ministirliqining tünügün élan qilghan bayanatida, washingtonning, amérika qoshma ishtatlirini merkez qilidighan ammiwi teshkilatlar we axbarat wasitiliri üchün xizmet qiliwatqan  afghanlar we ularning aile tawabiatlirigha munasiwetlik köchmenlerni qobul qilish pirogrammisi arqiliq, afghanlarning amérika qoshma ishtatlirigha iltimas sunghan kishilerning ammiwi teshkilatlarning wasitisi arqiliq üchinchi döletlerdin qobul qilinidighanliqi we türkiyedinmu iltimas sunalaydighanliqini bildürülgenlikini éytqanliqini eskertip mundaq dédi: «aldi bilen, amérika qoshma ishtatlirining bayanati rayonimizda chong köchmenler kirizisini keltürüp chiqiridu, hemde köchüsh yollirida afghanlarning derd – elemlirini téximu köpeytiwétidu. saqliniwatqan mesililerni rayon döletliri otturisida hel qilish üchün chare tépishning ornigha, dölitimizning raziliqini almastin dölitimizde hel qilinish urunushini qobul qilghili bolmaydu.»

türkiyening yéqinqi 7 yil ichide dunya boyiche eng köp panahliq tiligüchilerge sahibxaniliq qilghan dölet ikenlikini eskertken bilgich, yéngi bir köchmenler kirizisining üchinchi bir dölet namidin öz üstige élinish imkaniyitining yoqluqini tekitlep mundaq dédi: «dölitimiz qaysi shekilde bolsa bolsun, üchinchi döletlerning xelqaraliq mesuliyetlirini öz üstige almaydu, shundaqla ,qanunlirimizning üchinchi döletlerning öz meqsiti üchün suyiistémal qilinishigha yol qoymaydu, héchkim türkiye dölitining üchinchi döletning qarari netijiside rayonimizda yüz bergen köchmenler krizisining yükini üstige élishini ümid qilmasliqi kérek.»



مۇناسىۋەتلىك خەۋەرلەر