түркийә америкаға наразилиқ билдүрди

түркийә америка қошма иштатлириниң көчмәнләргә мунасивәтлик пирограммисиға наразилиқ билдүрди.

1685315
түркийә америкаға наразилиқ билдүрди

түркийә авази радийоси хәвири: түркийә, америка қошма иштатлири елан қилған «америка қошма иштатлири үчүн хизмәт қиливатқан афғанлар вә уларниң аилә тавабиатлириға мунасивәтлик көчмәнләрни қобул қилиш пирограммиси» ни қобул қилмайдиғанлиқини уқтурди.

түркийә ташқи ишлар министирлиқи байанатчиси танҗу билгич,  америка қошма иштатлири уқтурған, «америка қошма иштатлири үчүн хизмәт қиливатқан афғанлар вә уларниң аилә тавабиатлириға мунасивәтлик көчмәнләрни қобул қилиш пирограммиси» һәққидә елан қилған байанатида, мундақ деди: «түркийә болуш сүпитимиз билән америка қошма иштатлириниң мәсулийәтсизларчә вә дөлитимиз билән кеңәшмәстин чиқарған қарарини қобул қилмаймиз, әгәр америка қошма иштатлири бу кишиләрни дөлитигә қобул қилмақчи болса, ундақта уларни айропиланлар билән биваситә дөлитигә йөткәп кәтсә болиду.»

бу һәқтики соалларға йазма җаваб бәргән билгич, америка қошма иштатлири ташқи ишлар министирлиқиниң түнүгүн елан қилған байанатида, вашингтонниң, америка қошма иштатлирини мәркәз қилидиған аммиви тәшкилатлар вә ахбарат васитилири үчүн хизмәт қиливатқан  афғанлар вә уларниң аилә тавабиатлириға мунасивәтлик көчмәнләрни қобул қилиш пирограммиси арқилиқ, афғанларниң америка қошма иштатлириға илтимас сунған кишиләрниң аммиви тәшкилатларниң васитиси арқилиқ үчинчи дөләтләрдин қобул қилинидиғанлиқи вә түркийәдинму илтимас суналайдиғанлиқини билдүрүлгәнликини ейтқанлиқини әскәртип мундақ деди: «алди билән, америка қошма иштатлириниң байанати районимизда чоң көчмәнләр киризисини кәлтүрүп чиқириду, һәмдә көчүш йоллирида афғанларниң дәрд – әләмлирини техиму көпәйтиветиду. сақлиниватқан мәсилиләрни район дөләтлири оттурисида һәл қилиш үчүн чарә тепишниң орниға, дөлитимизниң разилиқини алмастин дөлитимиздә һәл қилиниш урунушини қобул қилғили болмайду.»

түркийәниң йеқинқи 7 йил ичидә дунйа бойичә әң көп панаһлиқ тилигүчиләргә саһибханилиқ қилған дөләт икәнликини әскәрткән билгич, йеңи бир көчмәнләр киризисиниң үчинчи бир дөләт намидин өз үстигә елиниш имканийитиниң йоқлуқини тәкитләп мундақ деди: «дөлитимиз қайси шәкилдә болса болсун, үчинчи дөләтләрниң хәлқаралиқ мәсулийәтлирини өз үстигә алмайду, шундақла ,қанунлиримизниң үчинчи дөләтләрниң өз мәқсити үчүн суйиистемал қилинишиға йол қоймайду, һечким түркийә дөлитиниң үчинчи дөләтниң қарари нәтиҗисидә районимизда йүз бәргән көчмәнләр кризисиниң йүкини үстигә елишини үмид қилмаслиқи керәк.»



مۇناسىۋەتلىك خەۋەرلەر