erdoghan türkiyege yardem ewetken döletlerge rehmet éytti

jumhur reis rejep tayyip erdoghan türkiyening dala ot apetlirige qarshi  kürishini qollighan döletler we teshkilatlargha rehmet éytti.

1684990
erdoghan türkiyege yardem ewetken döletlerge rehmet éytti

türkiye awazi radiyosi xewiri: jumhur reis erdoghan, ammiwi ortaqlishish tor béti Twitter sehipiside, bu heqte élan qilghan bayanatida, mundaq dédi: «dala ot apetlirige qarshi kürishimizni qollighan, hal sorighan, teziye bildürgen, yardemge teyyar ikenlikini bildürgen, yardem ewetken barliq dost döletler we teshkilatlargha xelqim namidin rehmet éytimen. xudayim buyrisa, bu qiyin ötkeldin eng qisqa waqit ichide ötimiz.»

bolupmu deslepki qedemdin tartipla türkiyening dala ot aperlirige qarshi kürishi qollap kéliwatqan qérindash dölet ezerbeyjan pirézidénti ilham eliyéwgha, rusiye pirézidénti wiladimir putingha, ispaniye bash ministiri pédro sanchézgha türkiye namidin rehmet éytqan jumhur reis erdoghan, iranning yéngi pirézidénti ibrahim reisi, qatar emiri sheyx temim bin hemed alsani, kirodiye pirézidénti zoran milanowich we ukraina pirézidénti wladimir zéléniskigha, namayen qilghan küchlük hésdashliqi tüpeyli minnetdarliq bildürdi.



مۇناسىۋەتلىك خەۋەرلەر