түркийәгә чәт әлдин һал сораш вә һәмкарлиқ байанатлири кәлмәктә

түркийәниң охшимиған районлирида йүз бәргән орман от апәтлири сәвәбидин чәт әлдин түркийәгә һал сораш вә һәмкарлиқ байанатлири кәлмәктә.

1683470
түркийәгә чәт әлдин һал сораш вә һәмкарлиқ байанатлири кәлмәктә

түркийә авази радийоси хәвири: гирузийә баш министири иракли гарибашвили, бу һәқтә елан қилған байанатида, мундақ деди: «достимиз, истиратегийәлик һәмраһимиз түркийәниң җәнубий районлирида мәйданға кәлгән кәң даирилик орман от апәтлиригә мунасивәтлик хәвәрләрни йеқиндин көзитиватимиз. от апәтлири давамида һайатидин айрилғанлар вә түркийәгә чин дилимиздин тәзийә билдүримиз. түркийә һөкүмити вә хәлқи билән давамлиқ һәмкарлиишиватимиз, җүмлидин түркийәгә һәр җәһәттин йардәм беришкә тәййармиз.»

венгирийә баш министирлиқ мәһмикиси ахбарат васитилири ишханиси тәрипидин елан қилинған байанаттиму, муавин баш министир золт сәмҗенниң, венгирийә һөкүмити намидин түркийә һөкүмитигә йоллиған тәзийә телеграммисида,  от апәтлиридә һайатидин айрилғанларниң  аилә тавабиатлири вә түркийә һөкүмитидин һал сорайдиғанлиқи билдүрүлди.

орман от апәтлиригә қарши күрәшни қоллаш үчүн илгири түркийәгә 100 от өчүрүш хадими билән 1 от өчүрүш айропилани әвәткән әзәрбәйҗан, түнүгүнму йәнә 53 от өчүрүш машиниси билән 220 от өчүрүш хадимини қуруқлуқ йоли арқилиқ түркийәгә әвәтти. буниңдин башқа йәнә, әзәрбәйҗан бир тик учар айропиланму әвәтиду.



مۇناسىۋەتلىك خەۋەرلەر