ot apitining zerbisige uchrighan jaylar apet rayoni élan qilindi

antalya, mughla, mersin, adana we osmaniyediki dala ot apitining tesirige uchrighan jaylar «omumiy turmushqa tesir körsetken apet rayoni» élan qilindi.

1683231
ot apitining zerbisige uchrighan jaylar apet rayoni élan qilindi

türkiye awazi radiyosi xewiri: jumhur reis rejep tayyip erdoghan ijtimaiy taratqudiki adrésida bayanat élan qilip: «dala ot apetlirining ziyinigha uchrighan rayonlirimizni <omumiy turmushqa tesir körsetken apet rayoni> élan qilduq. xelqimizning jarahitini téngish, ziyanlirini tölep bérish, imkaniyetlirini burunqidinmu yaxshi haletke keltürüsh üchün tashlashqa tégishlik barliq qedemlerni tashlashni dawamlashturimiz» dédi.

erdoghanning bayanati bilen birlikte tartqan körsetküchte, ot apiti rayonlirigha isharet qilinghan türkiye xeritisi bilen birlikte omumiy turmushqa tesir körsetken apet rayonlirigha dair uchurlargha orun bérildi.

körsetküchke asaslanghanda, antalyaning manawgat, aqseki, alanya, gündoghmush we gazipasha nahiyeliri؛ mughlaning marmaris, bodrum, milas, köyjeghiz we seydikemer nahiyeliri؛ mersinning aydinjik we silifke nahiyeliri؛ osmaniyening merkez we qadirli nahiyeliri bilen adananing aladagh, imamoghlu, qaraisali we kozan nahiyeliridiki ot apitining tesirige uchrighan barliq mehelliliri apet rayoni élan qilinghan.



مۇناسىۋەتلىك خەۋەرلەر