от апитиниң зәрбисигә учриған җайлар апәт райони елан қилинди

анталйа, муғла, мәрсин, адана вә османийәдики дала от апитиниң тәсиригә учриған җайлар «омумий турмушқа тәсир көрсәткән апәт райони» елан қилинди.

1683231
от апитиниң зәрбисигә учриған җайлар апәт райони елан қилинди

түркийә авази радийоси хәвири: җумһур рәис рәҗәп таййип әрдоған иҗтимаий таратқудики адресида байанат елан қилип: «дала от апәтлириниң зийиниға учриған районлиримизни <омумий турмушқа тәсир көрсәткән апәт райони> елан қилдуқ. хәлқимизниң җараһитини теңиш, зийанлирини төләп бериш, имканийәтлирини бурунқидинму йахши һаләткә кәлтүрүш үчүн ташлашқа тегишлик барлиқ қәдәмләрни ташлашни давамлаштуримиз» деди.

әрдоғанниң байанати билән бирликтә тартқан көрсәткүчтә, от апити районлириға ишарәт қилинған түркийә хәритиси билән бирликтә омумий турмушқа тәсир көрсәткән апәт районлириға даир учурларға орун берилди.

көрсәткүчкә асасланғанда, анталйаниң манавгат, ақсәки, аланйа, гүндоғмуш вә газипаша наһийәлири؛ муғланиң мармарис, бодрум, милас, көйҗәғиз вә сәйдикәмәр наһийәлири؛ мәрсинниң айдинҗик вә силифкә наһийәлири؛ османийәниң мәркәз вә қадирли наһийәлири билән адананиң аладағ, имамоғлу, қараисали вә козан наһийәлиридики от апитиниң тәсиригә учриған барлиқ мәһәллилири апәт райони елан қилинған.



مۇناسىۋەتلىك خەۋەرلەر