erdoghan ot apetlirining sewebining tekshürülüwatqanliqini bildürdi

türkiye jumhur reisi rejep tayyip erdoghan bezi wilayetlerde chiqqan dala ot apitige munasiwetlik tekshürüshlerning jiddiy shekilde dawamlishiwatqanliqini bildürdi.

1682966
erdoghan ot apetlirining sewebining tekshürülüwatqanliqini bildürdi

türkiye awazi radiyosi xewiri: jumhur reis rejep tayyip erdoghan istanbulda jüme namizidin kéyin muhim bayanatlarni élan qildi.

u: «birla waqitta dölitimizning oxshimighan jaylirida chiqqan dala ot apitige munasiwetlik tekshürüshler jiddiy shekilde dawamlishiwatidu. bu yerde her qandaq shekildiki süyiqest we uninggha oxshaydighan ehwallar barmu, yoq tekshürülüwatidu» dédi.

u ot öchürüsh üchün pütkül imkaniyetlerning seperwer qilinghanliqini bildürüp: «bügün (2021-yili 30iyul) din bashlap ot öchürüsh ayropilanlirimizning sani 6-5 ge chiqti. bularning ichide rusiyedin we ukrainadin keltürülgen ayropilanlar bar. ezerbeyjanmu bir ayropilan ewetidu. 1140 nuqtida dala ot apitige qarshi küresh qiliniwatidu. nahayiti epsuski 28-30-iyul künliri ichide 71 dala ot apiti yüz berdi. bulardin 57 si kontrol qilindi. 14 jaydiki otni kontrol astigha élish xizmetlirimiz dawamlishiwatidu» dédi.

u ot apetlirining tesirige uchrighan her qandaq puqrani ziyangha uchratmaydighanliqlirini qeyt qildi.

u wuxen wirusigha qarshi küresh toghrisidimu toxtaldi we hazirghiche texminen 72 milyon dane waksinaning emlengenlikini qeyt qildi.

u dunyada waksina emlesh imkaniytige ige bolalmighan döletlerning barliqini, emma türkiyening bundaq qiyinchiliqqa duch kelmigenlikini tekitlep, barliq tedbirlerni alghanliqlirini we normallishish qedimini tézleshtürüshke tirishiwatqanliqlirini qeyt qildi.



مۇناسىۋەتلىك خەۋەرلەر