түркийә йавропа иттипақиниң йепиқ марашқа қаратқан позитсийәсигә наразилиқ билдүрди

түркийә йепиқ мараш һәққидә йавропа иттипақи намидин елан қилинған байанатни әйибләйдиғанлиқини билдүрди.

1681433
түркийә йавропа иттипақиниң йепиқ марашқа қаратқан позитсийәсигә наразилиқ билдүрди

түркийә авази радийоси хәвири: ташқи ишлар министирлиқи байанатчиси вә баш әлчи танҗу билгич бу һәқтики соалға йазма җаваб қайтурди.

танҗу билгич қибрис түрк хәлқини нәзәрдин сақит қилидиған, һәқиқәттин узақ һәмдә пәқәт рим тәрәпниңла қарашлирини әкис әттүридиған бу вә буниңға охшаш байанатларниң түркийәгә нисбәтән һечқандақ қиммити вә инавити йоқлиқини тәкитлиди.

танҗу билгич әзалар һәмкалиқи вә рәт қилиш әндишисини баһанә қилип оттуриға қойулған йавропа иттипақиниң бу бир тәрәплимә позитсийәсиниң һәр қандақ мәсилиниң һәл қилинишиға қилчилик төһпә қошалмайдиғанлиқини тәкитләп, йепиқ мараш һәққидә йавропа иттипақи намидин елан қилинған байанатни әйибләйдиғанлиқини билдүрди.

танҗу билгич түркийәниң қибрис мәсилисиниң һәл қилиниши вә марашниң ечилиши тоғрисида шималий қибрис түрк җумһурийити даирилириниң тәклиплири вә қарарлирини толуқ қоллайдиғанлиқини тәкитләп, йәнә мундақ деди:

«мараш тәшәббуси шималий қибрис түрк җумһурийити һөкүмити мақуллиған қарардур, йавропа иттипақи 2004-йилидики аннан пиланидин кейин, қибрис түрк хәлқигә бәргән вәдисигә әмәл қилиши шундақла шималий қибрис түрк җумһурийитини сөһбәтләшкүчи тәрәп қатарида көрүшни өгиниши лазим»



مۇناسىۋەتلىك خەۋەرلەر