«пәнчә һәрикити» районида икки әскәр шеһит болди

түркийә авази радийоси хәвири: түркийә дөләт мудапиә министирлиқи «пәнчә һәрикити» районида икки әскәрниң шеһит болғанлиқи тоғрисида байанат елан қилди.

байанатта, ирақниң шималидики һакурк районида чарлаш елип бериливатқанда, бөлгүнчи террорлуқ тәшкилати п к к әзалири билән тоқунуш чиққанлиқи вә икки әскәрниң шеһит болғанлиқи қәйт қилинди.

чиққан тоқунушларда йәнә бир әскәрниң йариланғанлиқи вә дәрһал дохтурханиға әвәтилгәнлики әскәртилгән байанатта, бир бөлгүнчи террорлуқ тәшкилати п к к ниң бир әзасиниң бир тәрәп қилинғанлиқи билдүрүлди.