mewlut chawushoghlu türkiyening tunis xelqini qollaydighanliqini bildürdi

tashqi ishlar ministiri mewlut chawushoghlu tunis tashqi ishlar ministiri osman el-jerendigha türkiyening tunis xelqini qollaydighanliqini bildürdi.

1681315
mewlut chawushoghlu türkiyening tunis xelqini qollaydighanliqini bildürdi

türkiye awazi radiyosi xewiri: tashqi ishlar ministirliqining bayanatigha asaslanghanda, mewlut chawushoghlu tunis tashqi ishlar ministiri osman el-jerendi bilen téléfonda körüshken. söhbette türkiyening tunisning muqimliqi we tinchliqigha ehmiyet béridighanliqini hemde tunis xelqini qollaydighanliqini tekitligen.

tunista, 25- iyulda, hökümet we öktichi partiyelerge qarshi yüzligen kishining ishtirak qilishi bilen namayish ötküzülgen bolup, yüz bergen weqelerde bolupmu nahda herikiti qatarliq partiye merkezlirige hujum qilinghan idi.

bu weqelerdin kéyin, tunis pirézidénti qeys seid parlaméntning barliq hoquqini tonglatqanliqini, parlamént ezalirining chiqililmasliq hoquqinimu waqtinche élip tashlighanliqini, hazirqi bash ministir hisham el meshshini wezipisidin élip tashlap, özi teyinleydighan bashqa bir bash ministir bilen ijraiyeni ötküzüwalidighanliqini élan qilghan idi.

qeys seid yene, özini bash teptish élan qilish arqiliq edliye sahesigimu mudaxile qilghan idi.

hökümetke qarshi élip bérilghan bu siyasiy özgirishtin kéyin, eskerler tunis parlaméntining bashliqi we nahda herikitining rehbiri rashid el gannusi bilen uning hemrahliqidiki parlamént ezalirining parlaméntqa kirishige ruxset qilmighan idi.

pirézidént qeys seidning qararigha qarita xelqni tinch küresh qilishqa chaqiriq qilghan gannushi, héchqandaq qanuniy asasi bolmighan bu ishning bir «siyasiy özgirish» ikenlikini tekitligen idi.

qeys seid bolsa, özining tarixiy ehmiyetke ige mesuliyetni üstige alghanliqini we chiqarghan qararlirining dölet asasiy qanungha uyghun ikenlikini éytqan idi.



مۇناسىۋەتلىك خەۋەرلەر