түркийә австрийә баш министири себастийан курзға наразилиқ билдүрди

түркийә австрийә баш министири себастийан курзниң «афғанистан панаһланғучилири үчүн түркийә әң йахши җай» дегән ималиқ байанатиға һәйран қалғанлиқини билдүрди.

1680669
түркийә австрийә баш министири себастийан курзға наразилиқ билдүрди

түркийә авази радийоси хәвири: ташқи ишлар министирлиқи байанатчиси танҗу билгич буһәқтики соалға йазма җаваб қайтуруп, «пүтүн дунйаға тәсир көрситиватқан вә һәммәйләнгә нисбәтән ортақ мәсилә болған қанунсиз көчмәнләр мәсилисини һәл қилиш үчүн ортақ тиришчанлиқ вә һәмкарлиқни тәкитләшниң орниға, <көчмәнләр бу йәргә кәлмисун, башқа йәргә барсун> дегәнлик һәм шәхсийәтчи, һәм һеч кимгә пайдисиз бир позитсийәдур. түркийә район мәнбәлик уҗтимаий көчмәнләр долқуни киризисиниң ақивитини вә йеңи бир көчмәнләр долқунини үстигә алмайду. биз бу позитсийәйиңизни һәр хил вастиләр билән һәр дәриҗилик сөһбәтдашлиримизға йәткүзимиз. түркийәниң йавропа иттипақиниң чегра қоғдиғучиси йаки мусапирлар лагери әмәсликини тәкитләймиз» деди.

танҗу билгич йазма җавабида, «авистирийә баш министири себастийан курзниң бир гезиткә бәргән байанатида, <афғанистан панаһланғучилири үчүн түркийә әң йахши җай> дәп има қилған сөзлиригә һәйран қалдуқ. әң муһими баш министир курз ейтқандәк, түркийә афғанистанға қошна дөләт әмәс» дегән сөзләрни ишләтти.



مۇناسىۋەتلىك خەۋەرلەر