adalet we tereqqiyat partiyesi heyiti ezerbeyjanda ziyarette bolmaqta

adalet we tereqqiyat partiyesining reisi wekili numan qurtulmush bashchiliqidiki partiye heyiti ezerbeyjandiki uchrishishliri jeryanida shéhitgahlarni ziyaret qildi.

1680246
adalet we tereqqiyat partiyesi heyiti ezerbeyjanda ziyarette bolmaqta

türkiye awazi radiyosi xewiri: numan qurtulmush we uning hemrahliqi heyet aldi bilen merhum pirézidént heydar eliyéwning qebrisini ziyaret qildi.

numan qurtulmush qebrige gülchembirek qoyghandin kéyin, 20-yanwar shéhitliri depne qilinghan baku shéhidler xilwetgahini we kawkaz islam armiyesi shéhitlirining simwolluq qebriliri jaylashqan baku türk shéhitgahliqini ziyaret qildi.

numan qurtulmush shehidlik abidilirige gülchembirek qoyup, baku türk shéhitgahi xatire deptirige imza qoydi.

shéhitgahlarni ziyaret qilghandin kéyin numan qurtulmush metbuatlargha bergen bayanatida, adalet we tereqqiyat partiyesi bilen yéngi ezerbeyjan partiyisi (YAP) otturisidiki munasiwetlerni téximu kücheytish üchün ezerbeyjangha kelgenlikini éytti.

numan qurtulmush türkiye bilen ezerbeyjan otturisidiki mustehkem munasiwetlerning dawamlishiwatqanliqini tekitlep, (erményening ezerbeyjan zéminini ishghal qilishigha qarshi)  44 kün dawamlashqan shanliq küreshte türk xelqining barliq küchi bilen ezerbeyjanni qollighanliqini, jumhur reis rejep tayyip erdoghanningmu tunji minuttin bashlapla ezerbeyjanning qarabaghdiki erméniye ishghaliyitige xatime bérish küreshlirini  qollighanliqini bildürdi.

numan qurtulmush ezerbeyjan pirézidénti ilham eliyéwning qetiy meydani we xelqning jasariti sewebidin uzun yil dawamlashqan ishghaliyetning axirlashqanliqini eskertip, urushta shéhit bolghanlargha allahtin rehmet télidi.



مۇناسىۋەتلىك خەۋەرلەر