türkiye tunistiki heriketlerni eyiblidi

jumhur reislik mehkimisi bayanatchisi ibrahim kalin tunista démokratik musapining tonglitip qoyulghanliqini bildürüp: «asasiy qanun ige qilghan qanuniyliq we xelqning qollishi bolmighan heriketlerni eyibleymiz» dédi.

1680213
türkiye tunistiki heriketlerni eyiblidi

türkiye awazi radiyosi xewiri: jumhur reislik mehkimisi bayanatchisi ibrahim kalin twittérda, tunis pirézidénti qayis seidning parlaméntning hoquqini tonglitip, bash ministirni wezipisidin qaldurghanliqi toghrisida toxtaldi.

u: «dost we qérindash dölet tunista démokratik musapining toxtitip qoyulushini we xelqning démokratik iradisini yoq hésablashni ret qilimiz. asasiy qanun ige qilghan qanuniyliq we xelqning qollishi bolmighan heriketlerni eyibleymiz. tunis démokratiyesining bu mezgildin téximu küchlengen halda chiqidighanliqigha ishinimiz» dédi.

tünügün (2021-yili 25-iyul) tunis pirézidénti qayis seid parlaméntning barliq hoquqini «30 kün» tonglatqanliqini, parlamnét ezaliriningmu alahide imtiyazlirini tonglatqanliqini uqturghan idi.

tunis pirézidénti qayis seid bash ministir hisham elméshishini wezipisidin qaldurghanliqini we özi wezipige teyinleydighan bash ministir bilen hökümetni ötküzüwalidighanliqini, chiriklik délolirini pash qilish meqsitide bash teptishlik wezipisinimu özi üstige alidighanliqini bildürgen idi.



مۇناسىۋەتلىك خەۋەرلەر