әрдоған хитайни 0 гә қарши 3 нәтиҗә билән мәғлуп қилған айаллар командисини алаһидә тәбриклиди

җумһур рәис рәҗәп таййип әрдоған 2020-йиллиқ токйо олимпик тәнһәрикәт мусабиқисидә хитайни 0 гә қарши 3 нәтиҗә билән мәғлуп қилған мәмликәтлик айаллар валибол командисини алаһидә тәбриклиди.

1679811
әрдоған хитайни 0 гә қарши 3 нәтиҗә билән мәғлуп қилған айаллар командисини алаһидә тәбриклиди
a milli kadın voleybol takımı.jpeg
AA Tokyo Olimpiyat Oyunları.jpg

түркийә авази радийоси хәвири: әрдоған йашлар вә тәнтәрбийә министири мәһмәт муһәррәм касапоғлу арқилиқ йапонийәниң пайтәхти токйода мусабиқиға қатнишиватқан мәмликәтлик айаллар валибол командисиниң капитани әда әрдәм дундар билән көрүшти.

җумһур рәис әрдоған капитан әдаға телефон қилип, «силәр бизни интайин һайаҗанланға салдиңлар, мусабиқини биринчи саитидин тартипла көрдүм , барлиқ қизлиримизға сөйгү вә муһәббәтлиримизни йоллаймән, сәйшәнбә күни иншааллаһ италийә командиси билән өткүзүлидиған мусабиқисиниму көримән» деди.

а миллий командимиз 2020-йили токйода өткүзүлгән B гурупписидики тунҗи мәйдан мусабиқидә әң ахирқи олимпик чемпийони болған хитай командисини  0 гә қарши 3 нәтиҗә билән мәғлуп қилип, мусабиқидә йахши бир башлинишни қолға кәлтүргән иди.

мәмликәтлик айаллар валибол командисиниң 27-ийул сәйшәнбә күни италийә командиси билән өткүзүдиған мусабиқиси түркийә вақти әтигән саәт 10.25 дә башлиниду.



مۇناسىۋەتلىك خەۋەرلەر