erdoghan erzurum we xatay toghrisida ayrim - ayrim télgramma tarqatti

jumhur reis rejep tayyip erdoghan erzurum qurultiyining 102 yilliqi we xatayning ana weten türkiyege qoshulghanliqining 82 yilliqi munasiwiti bilen ayrim – ayrim halda ikki télégramma tarqatti.

1679368
erdoghan erzurum we xatay toghrisida ayrim - ayrim télgramma tarqatti

türkiye awazi radiyosi xewiri: erdoghan erzurum qurultiyining yil aylinish xatire küni munasiwiti bilen élan qilghan télégrammisida, xelqning, wetinining parchilanmasliqi we musteqilliqigha bolghan ishenchisini qetiy namayan qilghan erzurum qurultiyining, milliy küreshning yönilishini belgilesh jehettin tarixiy ehmiyetke ige ikenlikini otturigha qoydi.

erzurum qurultiyida xelqning pütün dunyagha her xil tajawuzchiliq we mudaxililerge qarshi birlik we ittipaqliq ichide omumyüzlük qoghdinish we küresh qilish iradisini jakarlighanliqini tekitlep: «erzurumda chiqirilghan milliy birlik kélishimi mahiyitidiki qararlar arqiliq azadliq urushini büyük ghelibige érishtürgen yolning tunji qedemliri tashlandi. milliy küresh yillirida özini namayan qilghan bu küchlük ang we irade bügünge qeder bizge yétekchilik qilmaqta we küch béghishlimaqta... biz tariximizdin ilham élip, birlik we barawerlik ichide kelgüsige qarap dadil qedemlerni tashlap méngishni, büyük we küchlük türkiye qurup chiqish üchün pütün küchimiz bilen dawamliq tirishchanliq körsitishni dawamlashturimiz. erzurum qurultiyining xatire künide ghazi mustapa kamalni öz ichige alghan musteqilliq kürishimizning barliq qehrimanlirini xatirileymen hörmet we séghinish ichide esleymen, barliq xelqimge eng chin héssiyatim bilen salam  yollaymen» dégenlerni qeyt qildi.

erdoghan yene: «esirler boyi qedimki medeniyetlerni baghrigha basqan qérindashliq we keng qorsaqliq merkizi xatayning türkiye bilen bir gewdilishish qarari milliy birlik we pütünlükimizni kücheytti... ortaq qimmet qarishimizni chöridigen halda, ilgirikige oxshash hazirmu küchlük irade we qetiylik bilen kelgüsige qarap mangmaqtimiz» dédi.



مۇناسىۋەتلىك خەۋەرلەر