ministir qurum kérri bilen körüshti

muhit asrash we sheher – bazarlashturush ministiri murat qurum italiyening napoli shehiride «20 – g guruhi muhit, kilimat we énérgiye ministirliri yighini» chaqirilghan tarixiy palazzo raélé sariyida amérika kilimat muzakirichisi jon kérri bilen körüshti.

1679094
ministir qurum kérri bilen körüshti

türkiye awazi radiyosi xewiri: uchrishishta, ministir qurum, türkiyening  14 maddiliq kilimat özgirishi heriket pilanini tüzüp chiqqanliqliri we ijra qilghanliqlirini, qoghdilidighan rayonlar we yéshil sahelerning sanini köpeytkenliklirini éytti.

türkiyening parnik gazini azaytishni ehde qilghanliqini eskertken qurum, hazirghiche mezkur ehdilerdinmu töwen sewiyede parnik gazi qoyup bergenlikini bayan qildi.

jumhur reis rejep tayyip erdoghanning repiqisi emine erdoghanning qizghin qollishi astida élip bériliwatqan nöl tashlanduq layihesini ünümlük ishqa ashuruwatqanliqlirini éytqan qurum, türkiyening énérgiye sahesidiki küchining 52 pirsentining qayta hasil bolidighan énérgiye menbeliridin terkib tapidighanliqini, bu menidin élip éytqanda, türkiyening yawropa boyiche 5-orunda, dunya boyiche 12- orunda turidighan chong dölet ikenlikini tekitlidi.

«parizh kélishimi» diki 1.5 gradusluq nishanni emdi emelge ashurush kérek dep qaraydighanliqlirini qeyt qilghan kéri bolsa, özlirining parizhda wede qilinghan hemme ishni qilalmighanliqlirini, shundaq qilghan teqdirdimu yer sharining témpératurisining yenila 2.5-3 gradus örleydighanliqini, «parizh kélishimi» ge emel qilinmighanliqi üchün, yer sharining témpératurisining 4 gradusqa örlesh xewipining otturigha chiqqanliqini bayan qildi.

pütkül dunyaning  kélimat krizisining éghir aqiwetlirini bir terep qilish mesuliyiti barliqini qeyt qilghan kérri, mundaq dep körsetti: «20 – g guruhining küchlük bayanat bilen otturigha chiqishi intayin muhim.»

u yene, türkiyening rize wilayitide yüz bergen we 6 kishining jénigha zamin bolghan su apiti seweblik türkiyege teziye bildürdi.



مۇناسىۋەتلىك خەۋەرلەر