әрдоған: « шәртлиримиз қандурулса, кабул айродоруминиң башқурулишни өткүзүвилишни ойлишимиз»

җумһур рәис рәҗәп таййип әрдоған: «әгәр шәртлиримиз қандурулса, түркийә болуш сүпитимиз билән кабул айродоруминиң башқурулишини қолимизға елишни ойлишимиз» деди.

1677799
әрдоған: « шәртлиримиз қандурулса, кабул айродоруминиң башқурулишни өткүзүвилишни ойлишимиз»

түркийә авази радийоси хәвири: җумһур рәис әрдоған шималий қибрис түрк җумһурийитидә елан қилған байанатида, «(кабул айродоруминиң бихәтәрлики) һазир йеңи бир дәвр гә кириш алдида туриду. бу йәрдә 3 асаслиқ һаким күч бар. шималий атлантик әһди тәшкилати, америка вә түркийә. америка чекинишни қарар қилди. әмма кабул айродорумини 20 йилдин буйан биз башқуруп келиватқан болғачқа, буниңдин кейинму бизниң башқурушимизни тәләп қилмақта» деди.

әрдоған бу җәһәттә америкиға шәрт қойғанлиқини билдүрүп, «биз һазир буниңға (йәни түркийәниң кабул айродорумини башқуришиға) иҗабий қаримақтимиз. әмма иҗабий қараш билән биргә әлвәттә бизниң америкиға қарита бәзи шәртлиримиз бар. биринчиси, америка дипломатийә җәһәттин биз билән биллә болиду. иккинчиси, тиранспорт җәһәттики имканийәтлирини биз үчүн сәпәрвәр қилиду. қолидики тиранспорт күчини түркийәгә тапшуриду. үчинчиси, бу җәрйанда бу йәрдә еғир иқтисадий вә мәмурий мәсилиләр көрүлиду. ундақ чағда түркийәгә керәклик йардәмләрни бериду. әгәр булар тәминләнсә, биз түркийә болуш сүпитимиз билән кабул айродорумини башқурушни қолимизға елишни ойлишимиз» деди.

әрдоған талибанниң бәзи биарамлиқлири болидиғанлиқини әскәртип, «талибан билән бу ишни сөһбәтлишиш арқилиқ бир тәрәп қилишимиз мумкин. талибанлар америка билән бәзи сөһбәтләрни елип барғандәк, мениңчә түркийә билән сөһбәтлишишни техиму раһәт елип баралиши лазим» деди.

 

 



مۇناسىۋەتلىك خەۋەرلەر