мустапа шәнтоп билән фахрәттин коҗа қурбан һейт тәбрикнамиисида муһим сөзләрни қилди

түркийә бүйүк милләт мәҗлиси (парламенти) башлиқи мустапа шәнтоп қурбан һейт мунасивити билән тәбрик сөзи елан қилди.

1677820
мустапа шәнтоп билән фахрәттин коҗа қурбан һейт тәбрикнамиисида муһим сөзләрни қилди
fahrettin altun.jpg
fahrettin koca.jpg

түркийә авази радийоси хәвири: мустапа шәнтоп пүткүл дунйа билән биргә түркийәдиму турмушқа еғир тәсир көрсәткән ковид-19 вирусиниң қараңғулиқи ичидә йәнә бир һейтни тәбрикләшниң аччиқ хушаллиқини һес қиливатқанлиқини тилға елип мундақ деди:

«мәйли қандақла һаләттә болушимиздин қәтийнәзәр, һейтлиримизниң бизни йеңилап, һессийатимизни иҗтимаий хушаллиқ пәйтигә айландуридиғанлиқини билимиз. һейт уқуми бизниң барлиқ үмидсизликимизни тазилап, бизни гойа йеңи бир башлиниш нуқтисиға, йеңи бир үмид дәрвазисиға елип келиду. мән қурбан һейтимизниң силәргә йеқинлириңларға, вәтинимизгә вә ислам дунйасиға тинчлиқ, хатирҗәмлик вә гүллиниш вәсилиси болушини теләймән, һәр бириңларға йүрәктин салам йоллаймән»

сәһийә министири фахрәттин коҗаму иҗтимаий алақә һесабида қурбан һейт мунасивити билән  тәбрик сөзи елан қилди.

«гәрчә йуқум техи ахирлашмиған болсиму, әмма бу һейт алдинқи үч байрамдин пәрқлиқ болди. һазир ваксина бар. милйонлиған киши ваксина  билән әмләнди. техи ваксина әмләнмигәнләрму арқа-арқидин әмләнмәктә» деди.

җумһур рәислик учур- алақә идариси башлиқи фаһрәттин алтунму иҗтимаий алақә һесабатида қурбан һейтни тәбрикләп син елан қилди.



مۇناسىۋەتلىك خەۋەرلەر