шәнтоп йавропа әдлийә сотиға наразилиқ билдүрди

түркийә бүйүк милләт мәҗлиси башлиқи мустафа шәнтоп йавропа иттипақи әдлийә сотиниң мусулманларниң асаслиқ һәқ – һоқуқлири вә әркинликликлири нишан қилинған йағлиқ чегиш қарариға наразилиқ билдүрди.

1677303
шәнтоп йавропа әдлийә сотиға наразилиқ билдүрди

түркийә авази радийоси хәвири: шәнтоп, бу һәқтә елан қилған йазма байанатида, йавропа иттипақи әдлийә сотиниң, йағлиқ чегидиған айалларниң дин вә етиқад әркинликигә қарши чиқарған қарариниң көп җәһәттин хәтәрлик икәнликини әскәртиш билән бир вақитта, бундақ қарарларниң йавропада йашаватқан мусулманларниң асаслиқ һәқ – һоқуқлири вә әркинликлирини очуқ - ашкара дәпсән қиливатқанлиқини, аммиви тинчлиқ, охшимиған етиқад саһиблириниң бирликтә йашиши вә етиқадқа асаслинидиған айримчилиқ тәрипи билән бундақ қарарларниң сәлбий нәтиҗилириниң болидиғанлиқини қәйт қилди, һәмдә дин вә етиқад әркинликиниң, мәлум бир дин, йаки һәрқандақ бир дунйа қаришиниң пиринсиплири нәзәргә елинип тамамлиналмайдиғанлиқини тәкитләп мундақ деди: «йавропа иттипақи әдлийә сотиниң қарари, толиму әпсуски, йавропани өз ичигә алған пүткүл дунйада түрлүк баһаниләр билән мусулманларниң дөләт орунлирида әркин бир шәкилдә мәвҗут болушлириға тосалғу болушқа урунуватқанларниң қилмишлири сәвәб болуватқан қаттиқ әндишиләрниң тоғра икәнликини испатлап бәрмәктә. йавропа иттипақи әдлийә соти вә хәлқара кишилик һоқуқ сот мәһкимилирини өз ичигә алған пүткүл дунйадики қарар чиқириш органлириниң асаслиқ вәзиписи؛ абстракт уқумларға тайинидиған асаслиқ һәқ – һоқуқлар вә әркинликләргә арилишишни ақлашниң орниға, барлиқ дин вә етиқад мәнсуплириниң айримчилиққа дуч кәлмәстин, дин вә етиқад әркинликидин бәһримән болушини ишқа ашурушқа тиришиштур.»



مۇناسىۋەتلىك خەۋەرلەر