türkiye tunisqa tibbiy iuyumlarni yardem qildi

türkiyening wuxen wirusi(Kovid-19)sewebidin qiyin künlerni bashtin kechürüwatqan tunisqa, tibbiy yardem buyumlirini toshighan «C-130» tipliq herbiy ayropilan, kartaja xelqara ayrodurumigha qondi.

1674945
türkiye tunisqa tibbiy iuyumlarni yardem qildi

türkiye awazi radiyosi xewiri: türkiye jumhur reisi rejep tayyip erdoghanning yolyoruqi bilen paytext enqeredin kökke kötürülgen tibiiy yardem ayropilani tunisqa yétip bardi.

tunis pirézidéntliq mehkimisi wuxen wirusining téz tarqilishigha qarshi tunisni qollighan türkiyege teshekkür éytti.

türkiyening tunistiki elchixanisi teripidin élan qilinghan bayanatta, 50 ming waksina, 30 dane süniy nepeslendürüsh üskünisi, 150 yataqliq doxturxanigha kéreklik oksigén génératori, 100 ming wuxen wirusi diyagnoz üskünisi, 500 ming tibbiy maska, 100 ming dane bir qétim ishlitilidighan peley qatarliq tibbiy buyumlarning tunisqa élip kélingenliki qeyt qilindi. bayanatta mundaq déyildi:

«dost we qérindash döletler bolush süpitimiz bilen, türkiye we tunis her qandaq sharaitta ittipaqtur. bu hemkarliqlar, shériklikimizning we ikki xelq otturisidiki dostluq asasidin orun alidu.»



مۇناسىۋەتلىك خەۋەرلەر