aqar: afghanistandiki ayrodurum mesilisi toghruluq muzakiriler dawamlishiwatidu

dölet mudapie ministiri xulusi aqar afghanistandiki hamid karzai xelqara ayrodurumining ishlitilishi we bixeterlikining qoghdilishi mesilisi toghruluq muzakirilerning dawamlishiwatqanliqini éytti.

1668546
aqar: afghanistandiki ayrodurum mesilisi toghruluq muzakiriler dawamlishiwatidu

türkiye awazi radiyosi xewiri: türkiye dölet mudapie ministiri xulusi aqar, qirghizistan we tajikistangha qilghan resmiy ziyaretliri we küntertipke alaqidar özgirishler heqqide bergen bayanatida, qoyuq ziyaretler we uchrishishlarning adettin tashqiri derijide semimiyet hem qizghin qarshi élish muhiti astida emelge ashqanliqini, qirghizistan bilen tajikistanning méhmandostluqidin intayin xursen ikenlikini eskertish bilen bir waqitta, afghanistandiki hamid karzai xelqara ayrodurumining uda 6 yildin buyan türkiye teripidin ishlitiliwatqanliqini tekitlep mundaq dédi: «hörmetlik jumhur reisimiz rejep tayyip erdoghanning nato bashliqlar yighinida otturigha qoyghinidek, piship yétilishige tégishlik bezi shert - sharaitlar, hel qilinishqa tégishlik mesililer bar, biz bu heqte yaxshi niyitimizni namayen qilduq. bu shert – sharaitlar piship yétilgen teqdirde, bizning u yerde qalalaydighanliqimizni bayan qilduq. bu nuqtida oxshimighan döletler bilen uchrishish hem muzakirilirimiz dawamlishiwatidu. ayrodurumning ochuq bolushi, ishqa kirishtürülüshi lazim. buning muhimliqini obdan bilimiz. ayrodurum ishqa kirishtürülmigen teqdirde, elchixanilar chékinidu, afghanistan bundaq ehwal astida yétim qalghan bir döletke aylinip qalidu, jümlidin xelqara munasiwetler jehettin nahayiti jiddiy qiyinchiliqlargha duch kélidu.»



مۇناسىۋەتلىك خەۋەرلەر