aqar: tajikistan bilen hemkarliqimizni chongqurlashturushqa teyyarmiz
dölet mudapie ministiri xulusi aqar tajikistan bilen dölet mudapiesi, bixeterlik we mudapie sanaiti mesililiride hemkarliqni chongqurlashturushqa teyyar ikenliklirini bildürdi.
türkiye awazi radiyosi xewiri: qirghizistan ziyaritini axirlashturghandin kéyin, dölet ishliri ziyaritide bolush üchün tajikistanning paytexti düshenbege yétip barghan dölet mudapie ministiri xulusi aqar, tajikistan dölet mudapie ministirliqida ministir shéreli mirzo teripidin qarshi élindi.
aqar bilen mirzo aldi bilen ayrim körüshti, andin heyetler ara uchrishishlargha riyasetchilik qildi.
uchrishish harpisida bergen bayanatida, tajikistanni «qérindash we uruq - tughqan weten» dep atighan aqar, tajikistanning türkiyening ottura asiyadiki muhim hemrahi ikenlikini tekitlep mundaq dédi: «dölet mudapiesi, bixeterlik we mudapie sanaiti mesililiride hemkarliqimizni chongqurlashturushqa teyyarmiz, shundaqla, chégra bixeterliki we térrorizmgha qarshi küresh saheliride tejrime almashturushqa teyyarmiz.»
ikki dölet otturisidiki yaxshi munasiwetlerning buningdin kéyin ishlengüsi xizmetler sayisida yenimu yüksek sewiyege yétishige ishinidighanliqlirini eskertken aqar, fethullahchi térrorluq teshkilatigha qarshi küreshte mewjut ijabiy hemkarliqning nahayiti zor ehmiyetke ige ikenlikini tekitlidi.
tajikistan dölet mudapie ministiri mirzo, her ikki döletning rayonluq muqimliq ornitishtin tartip térrorizmgha qarshi küreshkiche köpligen mesililerde hemkarliq ornitiwatqanliqini eskertip mundaq dédi: «tajikistan bilen türkiye otturisidiki munasiwetler künséri tereqqiy qilmaqta.»
axbarat wasitilirigha yépiq halette ishqa ashurulghan uchrishishta, aqar bilen mirzo, ikki tereplik we rayonluq dölet mudapiesi we bixeterlik mesililirini chöridigen halda özara pikir almashturdi.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.