erdoghan: 50 milyon qutidin artuq waksina emlinip boldi
jumhur reis rejep tayyip erdoghan «kowid – 19» yuqumigha qarshi küresh dairiside 50 milyon qutidin artuq waksina emlinip bolghanliqini bildürdi.
türkiye awazi radiyosi xewiri: jumhur reis erdoghan, ammiwi ortaqlishish tor bétidiki sehipiside, bu heqte élan qilghan bayanatida, mundaq dédi: «allahqa cheksiz hemdusanalar bolsunki, ‹kowid – 19› yuqumigha qarshi küresh dairiside 50 milyon qutidin artuq waksina emlinip boldi, derweqe, waksina ‹kowid – 19› yuqumigha qarshi küreshtiki eng küchlük qoralimizdur. xeyrlik bolsun. xudayim buyrusa, küchlük sehiye sistémiz, sehiye xadimlirimizning gheyret – shijaetliri we eziz xelqimizning hushyarliqi bilen birlikte, biz yéqinda xizmetke kirishtürgen yerlik waksinimiz turkuwak sayisida, ‹kowid – 19› yuqumigha qarshi kürishimizni téximu keskin rewishte dawamlashturimiz, türkiyeni téximu saghlam etilerge yetküzimiz.»
yene bir tereptin, «kowid – 19» yuqumigha qarshi küresh dairiside sehiye xadimlirinimu öz ichige alghan 50 yashqa kirgen we 50 yashtin chong kishilerge qarita 3 – quta waksina emlesh xizmiti bashlandi.
edirne, qiriqlareli we tekirdaghda waqit toxtitip, sehiye organlirigha barghan puqralar, doxturxanilarda we aile saghlamliq merkezliride waksina emletküzmekte.
