qatnash ministiri karaismailoghlu qazaqistan elchisi bilen körüshti

türkiye awazi radiyosi xewiri: qatnash ministiri adil karaismailoghlu qazaqistanning enqerediki bash elchisi abzal seperbequli bilen huzurida körüshti.

ministirliqning yazma bayanatida, körüshüshte ikki dölet otturisidiki tashyol tiransiportida körülüwatqan mesililerning muzakire qilinghanliqi bildürüldi.

ministir karaismailoghlu sözide, türkiyede awghust éyida ötküzülidighan «baku-tiblis-kars ministirlar yighini» gha, qazaqistan sanaet we asasiy ul-eslihe tereqqiyat ministiri beibut atamqulowni teklip qildi.

karaismailoghlu yüz turane ötküzülidighan uchrishishlarda, ikki dölet mesililirining téximu yaxshi muzakire qilinidighanliqini eskertip: «4 ming dane bir qétimliq ötüsh kénishkisi türkiyening nursultandiki elchixanisigha tapshurulidu. bu qarardin memnunmiz, emma qoshumche ötüsh kénishkisige yene éhtiyajimiz bolidu» dédi.

qazaqistan bash elchisi seperbequli ministir atamqulowning salimini yetküzgendin kéyin, atamqulowning ministir karaismailoghluni qazaqistangha teklip qilghanliqini bildürdi.