kündilik normal hayatqa qaytishta yéngi basquch bashlandi
türkiyening herqaysi jaylirida «kowid – 19» yuqumigha qarshi küresh dairiside yolgha qoyuluwatqan kochigha chiqish cheklimisi bügün étibari bilen axirlashti.
türkiye awazi radiyosi xewiri: sheherler ara sayahet cheklimilirimu bikar qilindi. barliq ish orunliri, taziliq, maska we ariliq qaldurush pirinsipliridin sirt yene, sehiye ministirliqining yuqumni bashqurush we xizmet qollanmisidiki barliq tedbirler we pirinsiplargha riaye qilish sherti astida, bügündin étibaren tekrar paaliyet élip bérishqa bashlidi.
üstel yaki orunduqlar otturisidiki ariliq qaldurush belgimilisige riaye qilish sherti astida, réstoranlar – ashxanilarning üsti ochuq yaki üsti yépiq yerliride birla waqitta bolidighan kishi sanigha cheklime qoyulmaydu.
nikah we toy murasimlirida, yémek – ichmek ikram qilishqa bolidu. neq meydan muzika ijrasinimu öz ichige alghan muzika anglitish saet 24.00 kiche dawamlishidu.
sheher ichi we sheherler ara barliq ammiwi qatnash wasitilirigha qoyulghan adem sani cheklimisi bikar qilindi.
dölet organliri we orunlirida nöwette yolgha qoyuluwatqan etigen saet 10 din chüshtin kéyin saet 4 kiche ishlesh belgilimisimu axirlashti.
