әрдоған истанбул қанили лайиһәси даирисидә сазлидәрә көврүкигә ул салди

түркийә авази радийоси хәвири: җумһур рәис әрдоған иҗтимаий алақә һесабидики йазмисида, дөләт вә хәлққә әсәр қалдуруш күришини давамлаштуридиғанлиқлирини ейтти.

2011-йили 27-апрелда истанбул қанили лайиһәсиниң амма билән ортақлишилғанлиқи үстидә тохталған әрдоған: «11 охшимиған университеттин 51 алим болуп, җәмий 204 кәспий мутәхәссис вәзипә алди. модел тәтқиқатиға 35 охшимиған дөләттин кәлгән 3500 тәтқиқатчи қатнашти. 304 охшимиған җайда 17 миң метирдин артуқ бурғилаш, 248 геофизикилиқ тәкшүрүш елип берилди. илмий тәтқиқатларға асасланғанда, 5 хил таллашниң ичидин әң мувапиқ вә әң үнүмлүк линийә бекитилди» деди.

әрдоған узунлуқи 45 километир, кәңлики 275 метир, чоңқурлуқи 20.75 метир келидиған истанбул қанилиға 6 көврүк селинидиғанлиқини билдүрди.

әрдоған истанбул қанили сазлидәрә көврүкиниң асаслиқ узунлуқиниң 440 метир, омумий узунлуқи 1618 метир, суписиниң кәңликиниң 46 метир келидиғанлиқини  билдүрүп, егизлики 196 метир келидиған мунарларниң «алмас геометирийә» билән лайиһәләнгәнликини ейтти.

җумһур рәис әрдоған башақшәһәр-баһчәшәһәр-хадимкөй бөликиниң тамамлиниши билән, карбон қойуп бериш миқдариниң 32 миң 126 тонна азийидиғанлиқини вә вақиттин 641 милйон 700 миң лира , йеқилғудин 75 милйон 500 миң лира болуп, һәр йили җәмий 717 милйон 200 миң лира теҗәп қилинидиғанлиқини тәкитлиди.