erdoghan iranning yéngi pirézidéntini tebriklidi
jumhur reis rejep tayyip erdoghan iranning yéngi pirézidéntliqigha saylanghan ibrahim reiysigha tebrik xéti yollidi.
türkiye awazi radiyosi xewiri: jumhur reislik uchur -alaqe ishliri idarisi teripidin élan qilinghan bayanatta, jumhur reis erdoghanning dost we qérindash iran xelqi üchün saylam netijisining xeyirlik bolushini tiligenliki bildürüldi.
erdoghan ibrahim reiysning pirézidéntliq mezgilde ikki dölet otturisidiki hemkarliqining téximu küchiyidighanliqigha ishinidighanliqini tekitlep, bu heqte reiysi bilen birlikte xizmet qilishqa teyyar ikenlikini bildürdi.
erdoghan kowid-19 yuqumini yenggendin kéyin, yuqiri derijilik hemkarliq kéngishining pat arida ötküzülidighan yighinigha qatnishish munasiwiti bilen iranda ziyarette bolushtin memnunluq hés qilidighanliqini bayan qilip, «bu wesile bilen yéngi wezipingizning utuqluq bolushigha tilekdashmen. döletlirimiz otturisidiki hemkarliq rohining hemmila sahede küchiyip dawamlashturilishi üchün shundaqla dost we qérindash iran xelqining bayashatliqi we bext-saaditi üchün yaxshi téleklirimni yollaymen» dégen sözlerni ishletti.
