erdoghan: dunyadikilerning teqdirini b d t xewpsizlik kéngishige tashlap qoyghili bolmaydu

türkiye awazi radiyosi xewiri: jumhur reis rejep tayyip erdoghan xelqara jemiyetning wuxen wirusi (Kovid-19) ning weyran qilish xaraktérlik tesirlirige taqabil turushta ongushluq bolalmighanliqini eskertip: «b d t xewpsizlik kéngishi tarixtiki eng chong sehiye kirizisini aridin 100 kün ötkende andin küttürtipige qoyalidi. waba mezgilide ötküzülgen xatalarning qayta yüz bermesliki üchün waksina milletchilikige purset bérilmesliki intayin muhim» dédi.

u antalya diplomatiye munbiride, türkiyening wuxen wirusi mezgilide 158 döletke we 12 xelqaraliq teshkilatqa sehiye buyumliri ewtkenlikini bildürüp: «yil axiridin burun axirlashturushni pilan qilghan waksina tetqiqatlirimizni insanni we dunyawiyliqni merkez qilghan halda dawamlashturimiz. yerlik waksinamizni inshaallah pütkül insaniyet bilen ortaqlishimiz» dédi.

u yene mundaq dédi:

«b d t xewpsizlik kéngishini asas qilghan xelqara tüzümning üstige qurulghan asasliq qurulmilar, mesilisini hel qilishning emes, mesilining bir parchisi bolmaqta. bu organlar bilen 21-esirdiki sepirimizni dawamlashturalmaymiz. texminen 8 milyard kishining teqdirini b d t xewpsizlik kéngishining besh daimiy ezasining insabigha tashlap qoyghili bolmaydu. 190 döletke mueyyen muddetkiche üstelde olturush hoquqi tonighan, biraq öz teqdirige munasiwetlik söz qilish hoquqi bermigen tüzüm adalet ekilelmeydu. adalet bolmighan jayda, ixtilap we zorawanliq kem bolmaydu. heq-adaletni qoghdashni dawamlashturimiz.»

u térrorluqqa qarshi turushta, süriyede heriket qiliwatqan p k k,y p g we daéshqa oxshash térrorluq teshkilatlirini yoqitish üchün meydanda özining mewjutluqini körsetken tunji döletning türkiye ikenlikini eskertip: «daéshning 4 ming 500 ezasini bir terep qilduq. bügüngiche 430 ming süriyelikning yurt-makanlirigha qaytishigha kapaletlik qilduq. ularni chédirlardin qutquzuwatimiz. ‹biriket öy› ge oxshash layhiler bilen ularni qollawatimiz.

dölitimizde puqralarni öltürgen qatillargha siyasiy salahiyet bérilip, yillarche paydilinildi. jenubiy chégramiz boyiche térrorluq döliti qurushqa urunuldi. süriyede tinchliq we muqimliqni kapaletke ige qilish türkiyeningla emes, belki hemmimizning mesuliyitidur» dédi.

u sherqiy aqdéngiz toghrisidimu toxtaldi we mundaq dédi:

«sherqiy aqdéngizdiki énérgiye menbeliride qarshilishishning ornigha, özara hemkarlishishning wesilisige aylandurush bizning qolimizda. aldimizdiki mezgilde kompasning bir putini türkiyege muqimlashturup, bashqiliri bilen afriqadin latin amérikaghiche we tinch okyandin asiyaghiche bolghan barliq jughrapiyelerde hemkarliqlarni ashurushni ümid qilimiz.»