чавушоғлу: шәрқий җәнубий йавропа киризискә һәл қилиш чариси тепиш йолида издиниватиду

ташқи ишлар министири мәвлүт чавушоғлу нөвәттә сақлиниватқан мәсилиләргә дийалог арқилиқ һәл қилиш чариси тепиш йолида издиниватқан бир шәрқий җәнубий йавропа барлиқини ейтти.

1659810
чавушоғлу: шәрқий җәнубий йавропа киризискә һәл қилиш чариси тепиш йолида издиниватиду
gdau disisleri bakanlari antalya .jpg
cavusoglu gdau antalya.jpg

түркийә авази радийоси хәвири: бу йил түркийәниң нөвәтчи рәисликидә чақирилған шәрқий җәнубий йавропа һәмкарлиқ мусаписи дөләт вә һөкүмәт башлиқлири йиғини, ташқи ишлар министири мәвлүт чавушоғлуниң саһибханилиқида ташқи ишлар министирлири йиғини билән башланди.

чавушоғлу, йиғинниң ечилишида қилған сөзидә, бу йил бирла вақитта шәрқий җәнубий йавропа һәмкарлиқ мусаписиниң 25 – йиллиқини тәбрикләватқанлиқлирини тәкитләп мундақ деди: «нөвәттә сақлиниватқан мәсилиләргә дийалог арқилиқ һәл қилиш чариси тепиш йолида издиниватқан бир шәрқий җәнубий йавропа бар, районниң әң кәң даирилик мунбири болған шәрқий җәнубий йавропа һәмкарлиқ мусаписи,  әң мушәққәтлик заманлардиму район дөләтлирини бир йәргә җәм қилалиған бир мунбәр болди.»

түркийә  3 – қетим нөвәтчи рәислик вәзиписини өз үстигә алған мәзгилдә 40 тин артуқ паалийәт елип берилғанлиқини, һәмдә тунҗи қетим чақирилған диаспора вә йашлар мунбири йиғинлириниң муһим паалийәтләр қатаридин орун алидиғанлиқини әскәрткән чавушоғлу, бу басқучта, «2023 – йиллиқ истиратегийә һөҗҗити» ниң тәййарлинишиниңму муһим бир қәдәм икәнликини, районниң йавропа – атлантик тәшкилатлири билән бир гәвдилишишигә наһайити зор әһмийәт беридиғанлиқлирини һәмишә тәкитләп келиватқанлиқлирини қәйт қилип мундақ деди: «шәрқий җәнубий йавропа һәмкарлиқ мусаписи дөләтлириниң йавропа иттипақиға әзалиқи нуқтиинәзәрлириниң күчәйтилиши ортақ нишанимиздур. шәрқий җәнубий йавропа дөләтлириниң һәммиси әза болғандила, андин йавропа иттипақи йәр шари характерлик актийорға айлиналиши мумкин.»

нөвәтчи рәислики әснасида түркийәни қоллиғанлиқи үчүн, шәрқий җәнубий йавропа һәмкарлиқ мусаписи дөләтлиригә миннәтдарлиқ билдүргән чавушоғлу, шәрқий җәнубий йавропа һәмкарлиқ мусаписиниң келәр қетимлиқ нөвәтчи рәиси гиретсийәгә мувәппәқийәт тилиди, һәмдә атинани һәр җәһәттин қоллайдиғанлиқлирини қәйт қилди.

у йәнә, 2022 – 2023 – йиллири нөвәтчи рәислик вәзиписини қобул қилған (қаратағ) подгоритсайағиму миннәтдарлиқ билдүрди.

шәрқий җәнубий йавропа һәмкарлиқ мусаписи дөләт вә һөкүмәт башлиқлири йиғини болса, чүштин кейин җумһур рәис рәҗәп таййип әрдоғанниң иштирак қилишида ишқа ашурулиду.



مۇناسىۋەتلىك خەۋەرلەر