ۋاكسىنا ئەملەشتە بىر مىليون رېكورتى بۇزۇپ تاشلاندى

تۈركىيە ئاۋازى رادىيوسى خەۋىرى: «كوۋىد – 19» يۇقۇمىغا قارشى كۈرەش دائىرىسىدە ئەملىنىۋاتقان بىرىنچى ۋە ئىككىنچى ۋاكسىنا قۇتىلىرىنىڭ سانى يېقىنقى 24 سائەت ئىچىدە 1مىليون 240 مىڭ 311 گە يەتتى.

سەھىيە مىنىستىرلىقىنىڭ «covid19asi.saglik.gov.tr» ئىنتېرنېت ئادرېسىدىن ئورۇن ئالغان مەلۇماتلارغا قارىغاندا، ئەملەنگەن ۋاكسىنا قۇتىلىرىنىڭ ئومۇمىي سانى 36 مىليون 95 مىڭ 162 گە يەتكەن.

سەھىيە مىنىستىرى فاھرەتتىن كوجا، تۈنۈگۈن (2021-يىلى 16-ئىيۇن) ئاممىۋى ئورتاقلىشىش تور بېتى Twitter سەھىپىسىدە ئېلان قىلغان باياناتىدا، 1مىليون قۇتا ۋاكسىنا ئەملەش نىشانىغا يەتكەنلىكلىرىنى، جۈملىدىن، يېقىنقى 24 سائەت ئىچىدە 1مىليون 240 مىڭ 311 قۇتا ۋاكسىنا ئەملەنگەنلىكىنى ئۇقتۇرغانىدى.