erdoghan rehberlerge «türkiyening térrorizmgha qarshi kürishi» kitabini teqdim qildi
jumhur reis rejep tayyip erdoghan shimaliy atlantik ehdi teshkilati bashliqlar yighinida körüshken rehberlerge «türkiyening térrorizmgha qarshi kürishi» kitabini teqdim qildi.
türkiye awazi radiyosi xewiri: jumhur reis rejep tayyip erdoghan tünügün shimaliy atlantik ehdi teshkilati bashliqlar yighinida körüshken rehberlerge türkiyening y p g/p k k, fethullahchi térrorluq teshkilati we daésh qatarliq térrorluq teshkilatlirigha qarshi kürishi tonushturulghan «türkiyening térrorizmgha qarshi kürishi» kitabini teqdim qildi.
jumhur reis erdoghan, «türkiyening térrorizmgha qarshi kürishi» namliq kitabni, shimaliy atlantik ehdi teshkilati bashliqlar yighini dairiside bir yerge jem bolghan amérika qoshma ishtatliri pirézidénti jo baydindin sirt yene, engiliye bash weziri boris jonson we gérmaniye bash ministiri angéla mérkélge teqdim qildi.
jumhur reislik mehkimisi uchur – alaqe ishliri idarisi teripidin ingliz tilida teyyarlanghan «türkiyening térrorizmgha qarshi kürishi» kitabi, y p g/p k k, fethullahchi térrorluq teshkilati we daéshtin ibaret üch bölümdin teshkil tapidu.
kitabta, türkiyening ittipaqdashliridin kütidighanlirining, «igilik hoquqlirigha we bixeterlik sezgürlüklirige hörmet qilinishi, y p g/p k k, daésh we fethullahchi térrorluq teshkilatini öz ichige alghan barliq térrorluq teshkilatlirigha qarshi élip bériwatqan kürishini ijabiy halda qollishi» ikenliki tekitlinidu.
00
