erdoghan ete bélgiyening paytexti biryussélda ziyarette bolidu

türkiye awazi radiyosi xewiri: jumhur reis erdoghan shimaliy atlantik ehdi teshkilatigha eza döletler rehberliri bilen özara uchrishishlarda bolidu, amérika prézidénti jo baydin, litwaniye pirézidénti gitanas nauséda, latwiye pirézidénti égils léwits, gérmaniye bash ministiri angéla mérkél, engiliye bash ministiri boris jonson, girétsiye bash ministiri kiryakos michotakis qatarliq rehberler bilen ayrim ayrim uchrishish ötküzidu.

erdoghanning yene, firansiye pirézidénti émmanuél makron we gollandiye bash ministiri mark rutté bilenmu körüshishi pilanlanmaqta.

uchrishishita shimaliy atlantik ehdi teshkilatidiki ittipaqtin bashqa yene, özara munasiwetler we rayon xaraktérliq mesililerningmu kün tertipke kélishi mölcherlenmekte.

erdoghan bilen baydin otturisidiki uchrishish, baydén amérika pirézidéntliqigha saylanghandin buyanqi ikki rehber otturisida ötküzülgen tunji uchrishish hésablinidu.

jumhur reis erdoghan bashchiliqidiki türkiye heyitining shimaliy atlantik ehdi teshkilati bashliqlar yighinidiki muhim küntertip maddisi, türkiyening rayondiki özgirishlerge munasiwelik igilik hoquqi we bixeterlik sezgürlükige hörmet qilish bolidu. bashliqlar yighinida, türkiyening bu mesililerdiki qetiy iradisi tekitlinidu.

türkiyening nato dairisidiki mejburiyetlirini toluq orundap kéliwatqan eza dölet ikenliki eskertilidu, térorluqqa qarshi küresh we insanperwerlik krizisigha ünümlük arilishish qatarliq hemkarliq teklipliri tekrar tekitlinidu.