dölet mudapie ministiri xulusi aqar liwiye ziyariti dairiside herbiy emeldarlar bilen körüshti

türkiye awazi radiyosi xewiri: dölet mudapie ministiri xulusi aqar kütüwélishtin kéyin,  liwiye wezipe guruppisi qomandanliq ishtabidiki xadimlar bilen bir yerge jem boldi.

türkiye we liwiye otturisida uzun yillardin buyan dawamlishiwatqan dostluq munasiwetliri barliqini tekitligen xulusi aqar, türkiyening liwiyening birliki, pütünlüki we bixeterliki üchün kéreklik ishlarni dawamliq qilidighanliqini éytti.

xulusi aqar herbiy isyanchi hafterning liwiyede bigunah kishilerge qilghan hujumini eskertip, hafter guruppisi teripidin kömülgen we hetta oyunchuqlarning ichigimu orunlashturulghan partilatquchlarning kichik balilarnimu öz ichige alghan nurghun puqralarning jénigha zamin bolghanliqini bildürdi.

xulusi aqar yene mundaq dédi:

«bu partilatquchlar we minalar sewebidin put-qolliridin ayrilghan we shehid bolghan nurghun liwiyelik qérindashlirimiz bar. ularning bir qismi bu yerde, yene bir qismi türkiyede dawaliniwatidu. bu qérindashlirimiz üchün yelkimizge qandaq wezipe yüklinishidin qeti nezer uni orundishimiz, ulargha yol körsitishimiz we yardemchi bolishimiz lazim. biz liwiyelik qérindashlirimizning bu azab – oqubtini ortaqlishimiz we buni yéniklitish üchün qolimizdin kélidighan pütün tirishchanliqlarni körsitimiz. qérindash bolush süpitimiz bilen bir musht, bir ten bolup, heqqaniy dewalirida liwiye bilen birge bolimiz»