«penje – chaqmaq» herikiti rayonida térrorchilargha ejellik zerbe bérildi
iraqning shimalidiki «penje – chaqmaq» herbiy herikiti rayonida türk eskerlerge oq chiqarghan bölgünchi térrorluq teshkilati p k k mensubi 2 térrorchi bir terep qilindi.
türkiye awazi radiyosi xewiri: türkiye dölet mudapie ministirliqining, ammiwi ortaqlishish tor bétidiki sehipiside élan qilinghan bayanatta, türkiye armiyesining iraqning shimalidiki qehrimanlarche we pidakarlarche kürishining izchil dawamlishiwatqanliqi tekitlinip mundaq déyildi: «<penje – chaqmaq> herikiti rayonida tekshürüshlerde boluwatqan eskerlirimizge oq chiqarghan bölgünchi térrorluq teshkilati p k k mensubi 2 térrorchi, qehriman alahide etretlirimiz teripidin bir terep qilindi.»
ichki ishlar ministirliqimu, tünügün ishqa ashurulghan herbiy heriket dawamida bir terep qilinghan 3 térrorchidin birining, «külreng tizimlik katégoriyesidiki térrorchilar» dairiside tutush buyruqi chiqirilghan, bölgünchi térrorluq teshkilati p k k ning atalmish garzan ölkisi tatwan – hizan ishliri mesuli «erish garzan» texellusluq hékmet geziji ikenlikining éniqlap chiqilghanliqini bildürgenidi.
