türkiye israiliyege naraziliq bildürdi

 türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, enqerening, israiliye dairilirining ishghal astidiki gherbiy qirghaqning ramallah shehiri tewelikidiki beyt elyehudiy qanunsiz olturaq rayonidiki 350 yürüsh turalghuluq layihening ul téshini qoyush murasimi ötküzgenlikidin waqip bolghanliqini uqturdi.

ghezzede yüz bergen échinishliq weqelerning azabliq qalduqliri yipyéngi turuwatqan mushundaq bir peytte, israiliye dairilirining yüz bergen ishlardin héchqandaq sawaq almighanliqini namayan qilghanliqigha isharet qilinghan bayanatta: «israiliyening mezkur qanunsiz siyasetlirini ret qilimiz. israiliyening xelqara qanungha xilap siyaset we heriketlirining jawabkarliqini sürüshte qilishning muhimliqini yene bir qétim tekitleymiz» dégen ibarilerge orun bérildi.

israiliye, ishghal astidiki gherbiy qirghaqning ramallah shehiri tewelikidiki beyt elyehudiy qanunsiz olturaq ahaliler rayonida 350 turalghuluq layihening ul téshini qoyush murasimi ötküzgenidi.