چاۋۇشئوغلۇ ب د ت نىڭ پەلەستىن ئالاھىدە يىغىنىغا ئىشتىراك قىلدى

تۈركىيە ئاۋازى رادىيوسى خەۋىرى: مەۋلۈت چاۋۇشئوغلۇ بىرلەشكەن دۆلەتلەر تەشكىلاتى (ب د ت) كىشىلىك ھوقۇق كېڭىشىنىڭ پەلەستىن تېمىلىق مەخسۇس يىغىنىغا سىن كۆرۈنۈشلۈك ئىشتىراك قىلدى.

چاۋۇشئوغلۇ ئىسرائىلىيەنىڭ پەلەستىنلىكلەر ۋە مەسجىدى ئەقسادا سادىر قىلغان قانۇنغا خىلاپ قىلمىشلىرى توغرىسىدا توختىلىپ: «بۇ ئىغۋاگەرچىلىكلەر (ئىسرائىلىيەنىڭ قىلمىشلىرى) سىستېمىلىق ئېتنىك، دىنىي ۋە مەدەنىي تازىلاش ئېلىپ بېرىش پىلانىنىڭ بىر پارچىسى» دېدى.

«ئىسرائىلىيەنىڭ جازاسىزلىقىغا خاتىمە بېرىش ئۈچۈن ئۈنۈملۈك ۋاسىتىلەرنى ئىشقا سېلىشىمىز كېرەك» دېگەن چاۋۇشئوغلۇ: «غەززەدىكى غەيرىي ئىنسانىي مۇھاسىرىنىڭ ھېچقانداق ئورۇنلۇق سەۋەبى يوق. بۇ ئومۇميۈزلۈك جازالاش ھەرىكىتىگە دەرھال خاتىمە بېرىلىشى كېرەك» دېگەنلەرنى سۆزلىرىگە ئىلاۋە قىلدى.