erdoghan: islam düshmenliki rak hüjeyrisige oxshash téz yéyiliwatidu

türkiye awazi radiyosi xewiri: jumhur reis erdoghan, 1 – nöwetlik xelqara axbarat wasitiliri we islam düshmenliki ilmiy muhakime yighinida qilghan sözide, amérika qoshma ishtatliri hakimiyitining 11 – séntebir hujumliridin kéyin bashlatqan «musulmanlarni sheytanlashturush» istiratégiyesining, köpligen milletlerning medeniy qurulmisida ezildinla yiltiz tartip kéliwatqan islam düshmenliki wirusini qozghitish rolini oynighanliqini tekitlep mundaq dédi: «téxi tünügüngiche <yat> qobul qiliniwatqan bir qisim iriqchi éqimlarning emdilikte siyasetning merkezige yerlishishi, gherbning özi pétip qalghan patqaqliqtin qutulushning ornigha kömülüsh yolini tallighanliqining isharitidur. ikkinchi dunya urushi mezgilide yüz bergen yehudiy irqiy qirghinchiliqini özliriche mexsus tirnaq ichige kirgüzgenler, bu qétim nishan taxtisigha musulmanlarni orunlashturdi. erkinlikler yoqalghan bir jayda parawanliqningmu uzun muddet mewjudiyitini dawamlashturalmaydighanliqidin ibaret roshen heqiqettin yüz örügüchiler, eslide islamgha emes, eksiche özlirining kélecheklirige düshmenlik qilmaqta. musulmanlargha qaritilghan bu yéngi irqiy qirghinchiliq, gherbliklerning özliri teripidin <islam düshmenliki> nami astida yumshitilmaqchi bolsimu, biz emeliyette buning islam düshmenliki ikenlikini obdan bilimiz.»

gherbte barliq puqralarning bixeterlikini qoghdashqa mesul dölet organlirining goya islam düshmenliki musabiqisige chüshüwatqanliqini éytqan jumhur reis erdoghan, mundaq dep körsetti: «<islamofobi> gherbning bu tehditning  tepsilatliri heqqide talash - tartish qilishning ornigha irqchiliq we ayrimchiliq éqimlirining tesirige uchrishi, ishning qolay teripini tallashtin bashqa nerse emestur.»

qanche esirler mabeynide biwasite ziyaliyliridin paydilinip, ewladmuewlad öz jemiyetlirini islam bilen bir gewdileshtürgen türklerdin qorqush éngi bilen yétildürgen yawropaning, bu arqiliq siyasiy chéchilangghuluq yol achqan mesililerni yoshurushqa muweppeq bolghanliqini qeyt qilghan erdoghan, dunyadiki 7.5 milyardtin artuq insanning her birige islamning emes, eksiche islam düshmenlikining yer shari xaraktérlik tehdit ikenlikining tonushturulushining zörürlükini tekitlep mundaq dédi: «pütkül insaniyetning huzuri, bixeterliki üchün nahayiti muhim bolghan <islam düshmenlikining aldini élish tirishchanliqliri>, shekillendürülgüsi ortaq éqil mixanizimliri arqiliq jari qildurulushi lazim.<islamofobi> bu tehditke duch kéliwatqan barliq jemiyet we döletlerning bir yerge jem bolup, xelqara sahede küchlük bir uchur - alaqe tori ornitishliri sherttur. islam dunyasi öz arilirida bir gewdileshken teqdirde, islam düshmenlikige qarshi küreshtin qisqa waqit ichide ünümlük netije hasil qilish mumkin. dunyaning herqaysi jayliridiki wijdan sahibi bolghan siyasiyonlarni, ziyaliylarni, axbarat wasitiliri mensuplirini, bu ariliqta özimizning diniy zatlirimizni islam düshmenliki késellikige qarshi heriketke keltürüshimiz kérek.»