муавин җумһур рәис фуат октай шималий қибрис түрк җумһурийитидә

муавин җумһур рәис фуат октай 2 күнлүк хизмәт зийарити даирисидә шималий қибрис түрк җумһурийитигә йетип барди.

1643581
муавин җумһур рәис фуат октай шималий қибрис түрк җумһурийитидә

түркийә авази радийоси хәвири: әрҗан айродурумида, шималий қибрис түрк җумһурийитидә оқуватқан пәләстинлик оқуғучилар, түркийә, шималий қибрис түрк җумһурийити вә пәләстин байрақлирини ләпилдәткән һалда октайға мәмнунийәтлирини изһар қилди.

бу мәмнунийәтни җавабсиз қалдурмиған октай болса, пүткүл дунйани исраилийәниң пәләстин терротерийәлиридә пәләстинликләргә селиватқан зулум – ситәмлиридин хәвәрдар қилидиғанлиқлирини тәкитләп мундақ деди: «пәләстиндә, ғәззәдә, қуддуста, мәсҗиди әқсада, шәйх җәррраһта йүз бериватқан инсаний тирагедийәләрни толиму әпсуски пүткүл дунйа сүкүт ичидә көзәтмәктә. түркийә дөлити болуш сүпитимиз билән, адаққичә силәрниң йениңлардимиз, җумһур рәисимиз рәҗәп таййип әрдоған адаққичә силәр билән биллә, һәммимиз силәр билән биллимиз, бу зулум - ситәмләрни һечким көрмигән тәқдирдиму, биз адаққичә пүткүл дунйаға аңлитимиз, нарисидә балилар вә айалларни өлтүргән, һәр түрлүк зулум – ситәмләрни салған вә инсанларни өй – маканлиридин айриған залимларға қарши һәргизму сүкүт қилмаймиз.»



مۇناسىۋەتلىك خەۋەرلەر