түркийә файзер-бийонтек ваксинаси сетивалди

түркийә америка дора ширкити файзер билән германийәниң бийонтек ширкити бирликтә тәтқиқ қилип йасиған вухән вируси (Kovid-19) ваксинасидин җәмий 90 милйон шишә сетивалди.

1642692
түркийә файзер-бийонтек ваксинаси сетивалди

түркийә авази радийоси хәвири: түркийәниң файзер-бийонтек ваксинаси сетивалғанлиқи тоғрисида байанат елан қилинди.

файзер билән бийонтекниң бу һәқтики байанатида, буниңдин бурун түзүлгән келишимгә қошумчә һалда 30 милйон данә ваксина сетип берилидиғанлиқини вә җәмий сетип берилидиған ваксина саниниң 90 милйон болидиғанлиқи қәйт қилинди.

байанатта, җәмий 120 милйон ваксинаниң 2021-йилиниң ичидә тарқитишниң пилан қилиниватқанлиқи әскәртилди.

байанатта бийонтек ширкитиниң қурғучилиридин пирофессор доктор уғур шаһинниң қарашлириғиму орун аҗритилған болуп, у мундақ дегән: «вабани йоқитиш, дохтурханида давалинишни азайтиш вә нормал һайатқа қайтишқа йардәм қилиш үчүн дунйаниң һәр қайси җайлиридики кишиләрни имканийәтниң беричә вухән вируси ваксинаси билән тәминләшни мәқсәт қилимиз. түркийә хәлқиниң ваксина әмләш тиришчанлиқлириға һәссә қошалиғанлиқимиз вә хәлқниң бизгә ишәнгәнликидин өзимизни хушал һес қилимиз» деди. 



مۇناسىۋەتلىك خەۋەرلەر