shentop qazaqistan kéngesh palatasining bashliqi bilen téléfonlashti
türkiye büyük millet mejlisi bashliqi mustafa shentop qazaqistan kéngesh palatasining bashliqi maulén ashimbayéw bilen téléfonda körüshüp, qazaqistan xelqining «roza héyt» ini tebriklidi.
türkiye awazi radiyosi xewiri: türkiye büyük millet mejlisi bashliqi mustafa shentop, téléfon söhbitide, türkiye büyük millet mejlisi namidin qazaqistan kéngesh palatasining bashliqi maulén ashimbayéw we qazaqistan xelqining «roza héyt» ini tebriklidi, hemde türkiye bilen qazaqistan otturisidiki munasiwetlerni dostluqtinmu bekrek qérindash döletler otturisidiki munasiwetler dep atap mundaq dédi: «ikki terep munasiwetlirimizning téximu tereqqiy qilishi üchün, uchur - alaqe ishlirimizni her sewiyede, dölet bashliqliri we parlamént bashliqliri sewiyeside dawamlashturush iradimiz qetiydur.»
qazaqistan kéngesh palatasining bashliqi maulén ashimbayéw mundaq dédi: «‹kowid – 19› yuqumining deslepki mezgilliride zor qiyinchiliqlargha duch kelduq, shu waqitta türkiye ewetken yardemlerni untumiduq, héchqachan untumaymiz.»
türkiyening türkistanda bash konsulxana échishni qarar qilghanliqini eskertken ashimbayéw, bu qararning, munasiwetlerning yenimu yüksek sewiyege yetküzülüshide muhim rol oynaydighanliqinimu sözlirige ilawe qildi.
