ibrahim kalin: térorluq teshkilatliri mesiliside amérikadin ümit qilidighanlirimiz bar
jumhur reislik bayanatchisi ibrahim kalin, amérika bilen yériklishishke seweb bolghan S-400 bashqurulidighan bomba mesilisining muzakire arqiliq hel qilinishi mumkinlikini éytti.
türkiye awazi radiyosi xewiri: jumhur reislik bayanatchisi ibrahim kalin bir gézitke bergen xususiy söhbette, bélgiyening paytexti biryussélda ötküzülidighan shimaliy atlantik ehdi teshkilati aliy derijilik rehberler yighinida jumhur reis rejep tayyip erdoghanning amérika pirézidénti jo baydin bilen söhbetlishidighanliqini eskertti.
ibrahim kalin bolupmu bölgünchi térorluq teshkilati p k k / p y d we fethullahchi térorluq teshkilati (FETO) mesiliside amérikidin kütidighanliri barliqini tilgha élip, bu jehette baydin hökümitining konkrét qedemlerni tashlishini ümid qilidighanliqini éytti.
israiliyening hujumlirining eslide pelestin zéminini, tarixi, medeniyiti we diniy kimlikini yoqutush pilanining axirqi basquchi ikenlikini tekitligen ibrahim kalin, israiliyege qaritilghan bésimni üzlüksiz we sistémiliq halda kücheytish kéreklikini, buning üchün islam dunyasi, ereb döletliri, yawropa ittipaqi, amérika we bashqa döletlerning bu jeryanni yéqindin közitishi lazimliqini éytti.
ibrahim kalin «misirdin kéyin süriye bilenmu muzakirilishishi mumkin» dégen söz chöcheklerge jawap qayturup, «bular ayrim ayrim mesililer. süriyede beshshar esed bilen uchrishish ötküzülidighan ish yoq. pat-pat istixbarat organliri ara uchrishishlar bolushi mumkin» dédi.
türkiyening 2019-yili liwiye hökümiti bilen tüzgen kélishim dairiside, liwiyede herbiy turghuzghanliqini tekitligen ibrahim kalin, u yerdiki xizmetlerning shundaqla liwiyege bérilgen herbiy, siyasiy we iqtisadiy yardemlerning dawam qilidighanliqini eskertti.
