әрдоған пүтүн дунйани исраилийәниң мәсҗиди әқсаға қилған һуҗумиға қарши һәрикәткә чақирди

җумһур рәис рәҗәп таййип әрдоған исраилийәниң мәсҗиди әқсаға, қуддусқа вә пәләстинликләрниң өйлиригә қиливатқан һуҗумлириға қарши ислам дөләтлирини вә пүтүн дунйани үнүмлүк һәрикәткә өтүшкә чақирди.

1636824
әрдоған пүтүн дунйани исраилийәниң мәсҗиди әқсаға қилған һуҗумиға қарши һәрикәткә чақирди

түркийә авази радийоси хәвири:  җумһур рәис әрдоған тивиттер һесабидики йазмисида, «мән пүтүн дунйани, болупму ислам дөләтлирини исраилийәниң мәсҗиди әқсаға, қуддусқа вә пәләстинликләрниң өйлиригә қиливатқан һуҗумлириға қарши үнүмлүк һәрикәт қилишқа чақиримән» дегән сөзләрни ишләтти.

әрдоған тивиттерда һәмбәһирлигән йазмисида, «қуддус пүтүн дунйадур. у йәрдики мусулманларму барлиқ инсанийәттур» сәрләвһиси астида пикир байан қилип, «муқәддәс шәһәр қуддусниң шәрипи, иззәт-һөрмити, вә нумусини қоғдаш һәр бир мусулманниң бойнидики мәҗбурийәттур. мәсҗиди әқса қатарлиқ қуддустики ибадәтханиларға вә мусулманларға  қаритилған һәр бир һуҗум,  өз нөвитидә йәнә бизләргә қилинған һуҗумдур. үч динниң муқәддисатлирини өз ичигә алған қуддусни виҗдансиз, әхлақсиз, қанунсиз вә һөрмәтсиз һуҗумлири билән булғиған залимларға қарши туруш, өзини инсан дәйдиған һәр бир кишиниң мәҗбурийитидур. исраилийә дөлитиниң һуҗумини сүкүттә туруш йаки көрүнәрлик дәриҗидә қарши позитсийә билдүрмәслик арқилиқ васитилик қоллиған кишиләрниң һәммиси, у йәрдики зулумға ортақтур» деди.



مۇناسىۋەتلىك خەۋەرلەر