türkiyede ikki quta waksina emletküzgenlerning sani 10 milyondin ashti
türkiyede «kowid – 19» yuqumigha qarshi küresh dairiside ikki quta waksina emletküzgenlerning sani 10 milyondin ashti.
türkiye awazi radiyosi xewiri: türkiye sehiye ministirliqining «<kowid – 19 yuqumi> waksinisi uchur supisi» diki sanliq melumatlargha qarighanda, enqere waqti 10.30 étibari bilen, 14 milyon 352 ming 956 kishige, «kowid – 19 yuqumi» waksinisining birinchi qutisi, 10 milyon 680 kishige, «kowid – 19 yuqumi» waksinisining ikkinchi qutisini emlesh xizmiti tamamlanghan.
shuning bilen, «kowid – 19 yuqumi» waksinisi emlengenlerning omumiy sani 24 milyon 353 ming 636 ge yetken.
waksina emlesh pirogrammisida nöwette sinowak we BioNTech waksiniliri ishlitiliwatqan bolup, tunji türkümdiki Sputnik V waksinisining mushu ay ichide türkiyege kélishi kütülmekte.
18 türlük «kowid – 19 yuqumi» waksinisi tetqiq qilip yasash paaliyetliridin biri bolghan erjiyes uniwérsitétining aktipsiz waksinining 3-basquchluq tetqiqatiningmu birqanche hepte ichide bashlinishi nishan qilinmaqta.
